ברעקינג: דער דיין טוהט תשובה!!!

יעצט דערציילט מיר דער חשוב'ער דיין שליט"א אז ער איז איבערגליקליך צו מעלדן אז פון הימל האט מען אריינגעשיינט א הרהור תשובה און עס האט אראפגעבלאזן א רוח טהרה ממרום און דער דיין איז גרייט אויף א תשובה שלימה מאהבה רבה צום בורא עולם, דער קל חי, און וועט דאס טוהן ממש שוין תוך כדי דיבור, צו מקיים זיין דעם עד שלא תחפץ.

נאך לאנגע שלאגערייען צווישן די צוויי יצרים וואס גייט שוין אן יארן ממש אן קיין אפשטעל, האט דער יצר טוב גובר געווען און מחליט געווען אז אזוי קען מען נישט אנגיין, און עס איז פשוט אריבער אלע גרעניצן.

עס איז צום האפן אז עס וועט אנהאלטן א לאנגע צייט און ולא ישוב לכסלו עוד.

מער באריכות ובפרטיות וועט מען הערן פונעם דיין'ס הייליג מויל אליין.

עס האט זיך געקענט דאכטן ליינענדיג דעם פריערדיגן שטיקל אז דא רעדט מען חלילה פון א בעל עבירה וואס גייט תשובה טוהן אויף ווער ווייסט וואס. ניין חלילה וחלילה. דא רעדט מען דאך פונעם הויכגעשפיצן דיין, א איש ירא וצדיק הדורות וואס ווייסט קוים פשט אין ווארט 'זינד' נאר די רעדע איז פון א קליינליך סארט עבירה'לע וואס ביי אנדערע איז עס גאר א מצוה רבה.

ואכמ"ל ועוח"ל מצ"ש.