| נשלח ב-10/12/2006 21:37 |
 |
| |
מיין אפשאצונג צו אייער דילעמע
גוטע וואך. (ס'נאך זונאטג, אנהויב וואך).
אומגעפער מיט איין יאר צוריק, בעת עס איז דאן אנטשטאנען אן איבערקערענישט אין מעטרעפאלעטן ניי-יורק, דער שנעל-צוג וועלכע פארקניפן אונז רעגעלמעסיג צו דער ארבעט האט דאן ניט פונקציאנירט און איך בין דאן צוליב דעם שטעקן געבליבן אין אייער דארף אויף א טאג צוויי, האבן מיר דאן אנגענעם פארבראכט מיט די דארפס-לייט. מיר האבן זיי אביסל קענען געלערנט, מיר האבן דאן בקומען א שטיקל באגריף אין אירע אקטיוויטעטן, לעבנ'ס שטייגער, און איבער אלעם האבן מיר זיך קאנצענטרירט איבער אייער תכלית און ציל.
זינט מיר האבן אייך פארלאזט האבן מיר אין פרייע מינוטן פול פארבראכט דא אין פארק. ניט דווקא אין אייער קרעמל, נאר מיר האבן זיך געקליבן גיכער מער אינהטלטסרייכערע טעמעס וועלכע ציען אממיינסטנס אונזערע נאטורן. אבער אפי' דאן אין די ערטער וואו מיר האבן יא פארבראכט, האבן מיר מער ווייניגער בלויז זיך איינגעהערט צו געשפרעכן און ניט אריינגערעדט. ולמען הפונקטליכקייט, בכדי אייך ניט צו פארנארן, וועלן מיר אייך מגלה זיין אז פון צייט צו צייט האבן מיר אויך א בליק געטוהן צו אייערע געשפרעכן, און איר מעגט וויסן אז פון צייט צו צייט האבן מיר זיך אפילו גענומען די מיה און צופוסנס אריבערשפאצירט צו אייער נייעם לאקאל.
היינטיקן זונטאג, ביי אונזער באזוך אין אייער נייעם לאקאל, איז אונז צום באשלוס געקומען אז מחמת דעם "אל תמנע טוב" וועלן מיר אייך גיבן אביסל אנצוהערן מיינע געדאנקען איבער אייערע פראבלעמען.
אייערע געוויסן זענען פארפלאגט אונטערן לחץ פון אנפירן א בלאג 'אן א מטרה', און איר פרעגט זיך זעלבסט די פראגע פארוואס עס פאלן נישט אריין קיין פרישע באזוכער'ס און פארברענגער'ס. אין תלמוד-לשון ווערן די סארט פראגעס פארענטפערט מיט אן אויסדריק פון: "שאלות חכם חצי תשובה", דאס הייסט, אייער פראגע זעלבסט איז דער אנטווארט צו די פראגע...
אבער דאס איז נאר איינע פון די זאכן, וואס לויט מיר זעהן טוט איר זיך שוין אליין באנעמען מיט דעם פראבלעם. מיר וועלן זיך טרויען צודערמאנען געוויסע אנדערע פראבלעמען וועלכער אייער בלאג פארמאגט, און אפשר אזוי וועט איר קומען צו א שטיקל לעזונג צו אייער שווער פארפלאנטערטע דילעמע'ס.
האט ניט ביטע קיין פאראיבל אויף אונזער לאנגע מגילה, עס קען עס זיין עס וועט אייך צוניץ קומען. ליינט דאס מיט א רואיגקייט. אפי' ס'איז אביסל אויסגעצויגן אין שריפט איז דאס אבער קורץ אין אינהאלט, און מעגליך מען וואלט געקענט נאך מערער מאריך זיין אבער מחמת "טירחא דציבורא" וועלן מיר זיך פרובירן צו קאנצענטרירן און וואס ווייניגער.
אייער בלאג, "היימישע קרעטשמע", לויט ווי מיר האבן אים קענען געלערנט, איז געגרינדעט געווארן דא אינעם רוישיגן הייד פארק. דער ציל פון אייער גרינדונג איז דאן געווען - ווי איך פארשטיי דאס - היות איר זיינט אלע יונגעלייט פונעם זעלבן קרייז, און אייער אנקום צו פארק איז בלויז געווען צוליב די געוויסע סיבות פון אט די יעניגע פורמים וועלכע האבן אייך אהער געבלאזן און אהער געבראכט, און מחמת עס זענען פארהאן פון צווישן אייך בלאגערס וואס פון צייט צו צייט האבן זיי שוין א פאראיבל געהאט פון אט די יעניגע פורמים און געזוכט זיך אפצוווישן די בלאטע פון די בגדים, אבער פארט פון פארק זיך אוועקצושארן און א טאג פון אומעטוגקייט האבן זיי נישט געהאט גערן, דעריבער זענט איר אויפן געדאנק געקומען און מייסד געווען א וואונקל וואו בלאגערס, וועלכע האבן פארמאכט אונטער זיך דעם שמוץ-קאסטן טירל און אבער פארט געוואלט א געשמאקן פארברענג, זאלן האבן וואו דעם קאפ אראצולייגן, און אריינקומען דא צו אייך נאך א פארברענג, א גוט ווארט און אזוי ווייטער. פארשטייט זיך אז דער ווירטואלער שענק האט באלד געזען איר געוואונטשענע רעזולטאטן, און פון די הונדערטער בלאגערס וועלכע האבן געוואלט אין א רואיגן מומענט פארהאקן יענע טירן זענען צו אייך אריינגעפאלן.
אין משך פון די צייט איז אבער אנטשטאנען גאר א גרויסער צווייזייטיקער און צוויידייטיגער שינוי אינעם גאנצן הלוך ילך פון די אינטערעסן. צו ערשט; אז דער היץ אינעם גרויסן פארק האט שטארק נאכגעלאזט, וואס דאס האט אויטאמאטיש פארשטויסן אסאך בלאגערס פונעם גרויסן פארק, ווייל אויב האבן זיי נישט דאס וואס האב געזוכט, קומען זיי אינגאנצן נישט ארויס אויף א שפאציר אינעם פארק. אבער דער צווייטע שינוי איז נאך שטערקער ווי דער ערשטער. דער צווייטער שינוי, וועלכער איז דיירעקט געוואנדן צו אייך, און דאס איז א שינוי פון אייער זייט, דאס קען מעגליך זיין האט נאך מער פארשווערט דאס אנקומען צו אייך, מחמת עטליכע סיבות.
דאס עצם אוועקציען זיך אין א צווייט מקום, דאס אליין פארשווערט פרישע פארבייגייערס אנצוקומען אהין, איבערהויפט אז די תקופה פון אייער ווידער-בוי אינעם נייעם בלאג איז צושטאנד געקומען אין אזא תקופה וואס די באזוכער אינעם פארק זענען געפאלן אין א גאר שטארקן מאס. און דא האט איר טאפלט דערלייגט, איינס: אז דער פארק פאר-זיך האט פארלוירן אסאך בלאגערס צוליב איר איינגעצויגנקייט אין אירע טעמעס, און צוויי: אז אפי' די וואס קומען נאך יא אן צום פארק, וועלן זיך אבער שווערער נעמען די מיה אריבער צו שפאצירן אין א ניי דערפל, א ניי מקום.
דאס איז אלעס אויף אן אויסערליכן קוק. אבער אז מיר וועלן זיך איינטוהן אביסל מיט א טיפערן קוק, וועלן מיר זיך באגעגענען מיט געוויסע גאר גרויסע פראבלעמען, וואס אזא בלאגעל ווי אייערס טראגט מיט זיך, וואס דאס אליין וועט אייך שוין זיין גענוג סיבה צו פארשטיין די סיבה פארוואס בלאגערס זוכן נישט אנצוקניפן מיט אייך א פארקער.
אייער בלאגל ווערט געפירט פון אייך זעלבסט, און בלאגערס זענען אומבאקוועם מיט אייך!. נעמט מיינע ווערטער!
אז א בלאגער שארט זיך אריין צו כאפן א פארברענג וויל ער, געוויס, בלייבן אנאנים, דען אויב עס געווילט זיך אים צו פארברענגען מיט זיין ריכטיגן אידענדיטעט, וואלט ער ליבערשט זיך ארויסגעגעבן זיין ריכטיגן נאמען און נישט זיך פארהילט אין איין ניק, פארוואס? ווייל אויב שוין יא ריכטיק זאל שוין כאטש וויסן מיט וועם מען פארברענגט. דער אויפטרעף פון א בלאג, זאגט: "איך פיר מיט דיר געשפרעך אנאנים!, אויב געווילט זיך מיר בדייקא צו פירן א שריפט געשפרעך מיט א באקאנטן דאן ניץ איך ניט דעם בלאג, איך זעץ זיך אראפ צום שרייב-מאשינ'קע, איך קלאפ אפ א בריוועלע צו מיינעם א באקאנטן, וחוזר חלילה ער שרייבט אנטווארט, און איך שרייב אים צוריק. אז א בלאגער קומט פארברענגן איז דאס א בפירוש'דיגער אנדייט מצד דעם בלאגער אז ער וויל פירן א שריפט געשפרעך אנאנים. אייער בלאגל וועלכער ווערט געפירט פון אייך זעלבסט, האבן פולע מעגליכקייטן נאכצוגיין שפירן פונעם בלאגער, וואס קען מאכן זייער אומרואיג דעם בלאגער.
ערשטנס. איר האט א מעגליכקייט צו זען דעם איי. פי. אדרעססע פונעם בלאגער. איר מעגט אייך שווערן טויזנט-אין-איין-מאל פארן פובליקום, און פארעפנטליכן רעקלאמעס איינס נאך צווייטן, אז איר האט דאס אוואקגענומען, אבער פארוואס זאל מען אייך געטרויען?, איר קענט דאס איבערצייגן?, מיט וואס ווילט איר געוואונען אייער צוטרוי מצד דער בלאגער?. והגע בעצמך, דער בלאגער קען זיך ניט מיט די פארוואלטונג, און אפילו יא ווייס איך אויך נישט צו ער וואלט אים אונפארטרויט, איז דאך א מכל-שכן'דיק אז א בלאגער קען אייך ניט אונפארטרויען בעת עס האנדעלט זיך מיט בלאגערס מיט וועמען מען קען זיך ניט. הייסט איר ווילט אז ניק'ס זאלן אונפארטרויען ניקס, איז אפשר זייט איר מסביר מיט וואס? וויאזוי?
נאך א זאך, לאזן מיר זאגן אז מיר וועלן אננעמען און גלויבן אז איר האט טאקע אוועק גענומען די אפציע, וואס וועט זיין אז מארגן באשלוסט איר צוריק צוברענגען די אפציע, ווער וועט וויסן דערפון? ס'איז דאך אלעס בידכם אין געהיימעניס, ניט אזוי?
צווייטנס. פאר ווער עס איז אביסל באהאווענט אינעם אינטערוועלט ווייסט אז נאכן זיך איינשרייבן אין א וועב זייטל, בלייבט אבער דער פאס-ווארט אין געהיים, אפילו פונעם באלעבאס פונעם זייטל. איר וועט אין קיין פאל נישט קריגן קיין בליץ-פאסט, פון אן אפיציעלער זייטל, מיט א בפירושדיקן אויסלייג פון אייער געהיימען פאס-ווארט, (אחוץ אויב איר פארלאנגט דאס, צוליב שכחה), און אויב איר קריגט דאס יא, דאן זאל זיך ביי אייך באלד אנצונדן א רויט ליכטל און איר זאלט געוויסן זיין אז מעגליך איז דער זייטל א שווינדלערישער אדער נידערדטרעכטיקער זייטל. ביי אייער בלאג, ווי אלע אין אייער סארט, קריגט מען באלד נאכן זיך איינשרייבן א בליץ פאסט, ווי דער גאנצער פאס-ווארט ווערט אייך ארויס געשריבן מיט שם המפורש.
דריטנס. די פארוואלטונגס פון דעם בלאג האבן די מעגליכקייט ארום צו פאטשקעווען מיט א בלאגער'ס פאס ווארט.
פערטנס. אין מיינע אויגן ביישטייט אייער בלאג פון א צירקע 10-15 בלאגערס, וזהו, דאס אלעס. די אלע איבריגע זיינען בלויזע טאפלטע ניקים. טא, וואס פאר א פארגעניגן האט א בלאגער אריינצוגיין פארברענגען מיט א צען-פופצן בלאגערס, ווען א גרויס טייל דערפון גיבן נישטאמאל צו קיין חן צום פארברענג?. אין אנדערע ווערטער קומט אויס, אז צו א געשמאקן פארברענג האט ער לצדו אינגאנצן פיר-פינעף בלאגערס. נו, צוליב כאפן א קליינטשיג פארברענג'לע מיט א פיר-פינעף בלאגערס זאל ער אפשטאטן א באזוך ביי אייך?, וואלט ווען געווען די טעמעס אינטערסאנטע, וואלטן שוין אנדערע אולי געטראכט דערפון, אבער לויט איר איצטיגן צושטאנד, פארוואס?
און זאל זיך אייך ניט דוכטן אז מען מערקט דאס ניט, דען מער וויינקער פון יעדן שרייבער קען מען ארויסהאבן זיינע נאטורן, און ווען צוויי ניקים מיט די זעלבע נאטורן גיבן זיך אויס – אפילו אין א צייט אפשניט - ווערט דאס באלד געמערקט, און ס'הויבט באלד אן צו ציען די שייכות'דיקע בענדלעך, איבערהויפט ווען די טעמעס ווערן ניט געביטן. ס'טייטש אמאל פארקערט אויך, אז ס'קען געמאלט זיין אז מען זאל אריין קומען פארברענגען מיט איין מענטש אונטער א פיר-פינעף שלייערס, בעת ווען זיינע טעמעס זענען נאך צומאל גאנץ אומאינטערסאנט אויך, און פארן בלאגער זאל זיך נאך אנדאכטן אז ער ריידט מיט א צען אומאינטערסאנטע...
דאס, די אלע סיבות, און מעגליך נאך, זענען די ריכטיגע תירוצים אויף אייערע אזוי געפרעגטע פראגן.
בלייבט געזונט אויף דערווייל, און אנטשולדיגט אייך אויף די אומאיינגענעמליכקייטן וואס מיינע ווערטער האבן אייך געקענט פאראורזאכן.
א גוטן
תוקן על ידי service_03 ב- 10/12/2006 22:33:20
 |
|
|
|
|
| נשלח ב-12/12/2006 18:27 |
|
| |
מיר דאנקן אייך מר תוהו און מר עולם מלא, פאר די תגובה'ס אייערע.
ליינענדיק אייערע תגובה'ס, וועלכע באציען זיך צו אונזער נעכטיקן תגובה, האבן מיר פון דעם בעסער געלערנט דער גרויסער שטראף מיט וואס גא-ט האט באשטראפט דעם "דור הפלגה". כלומר, ווי עס שיינט פארשטייען מיר זיך ניט אין שפראך. מיר ריידן טאקע דעם זעלבן שפראך, אבער עפעס מיר פארשטייען זיך ניט. עס איז אונז שווער אפצוקלאפן אן ענטפער אויף אייערע דיבורים, מחמת'ן חשד אז מיר וועלן נאך גאנצן שמועס ניט אנקומען צו אונזער ציל.
אבער פארט, מיר ווילן דאך אבער פארט זיך פריינטליך איבערשמועסן די ענינים, און מיר ווילן דאך פארט קומען צו עפעס א שטיקל פארשטענדעניש-אויסגלייך, און עס איז צום האפן אז סוף-כל-סוף וועלן מיר דאס דערלעבן און נאכן אויסגאנג וועלן מיר זיך דערזען אז מיר ווילן ניט ח"ו קריגן, מיר זיינען בלויז געקומען אייך ענטפערן.
צוליב'ן גרויסן באגער וועלכע מיר האבן, וועלן מיר דעריבער פראוווען אביסל אויף אן אנדער אופן דאס מסביר און צולייגען.
עס זענען פארהאן דא דריי סארט פראגן וועלכע איר האט געפרעגט:
1. אייער פירער מר קרעמער האט געפרעגט: אין אלגעמיין, פארוואס פרישע באזוכער קומען ניט אריין צו אייך?
אויף דעם האב איך געגעבן מיין אפשעצונג, אז די סיבות זענען צוויי: איינס קענען מיר באצייכענען 'טעכניש' און דאס צווייטע 'פאקטיש'. דאס הייסט אזוי: 'פאקטיש' - ווייל די צאל באזוכער אויפן פארק זענען געשניטן געווארן מיט א היבשער מאס, און אפי' די וואס זיינען יא דא שפאצירן שווער צו אן אנדער ארט. 'טעכניש' - ווייל איר זענט די באלעבאטעם פון דעם פורום אייערע.
אויפן 'פאקטישן' טייל ענטפערט איר אז דאס איז ניט אמת. אויפן 'טעכנישן' טייל ענטפערט איר מיט הבטחות אז דאס איז אויך ניט אמת, און איר פארלאנגט מען זאל אייך געטרויען. דאס איז בסך הכל דער דין ודברים איבער די ערשטע פראגע.
אויף דעם איז אונזער אנטווארט: אז אויב זענט איר ניט איינשיטימיג מיט אונזער אפשאצונג זיינען מיר כלל ניט ברוגז. מיר האבן פארשטאנען אז דאס איז דער סיבה, איר האלט אז ניט איז ניט. איי איר האט דאך א שטארקע פראגע, פארוואס קומען טאקע ניט צוגיין נייע ווי אלטע באזוכער? איך ווייס ניט!, אבער דאס איז איינמאל זיכער אז די אנגעבליכע סיבות וואס מיר האבן געזאגט איז ניט ריכטיג.
2. די צווייטע פראגע איז פארוואס מיר, דאס הייסט service_03, פאלן ניט אריין. און די פראגע האט איר – לדעתי - אביסל פארטוישט מיט די ערשטע פראגע. דאס הייסט איר האט זיך אביסל גענומען איבער אונזערע פערזענדליכע ביינער, ווי מ'זאגט דאס, אויפגעפרישט אלטע תגובות אונזערע און מיט איר געשלאגן קאפיטאל. פארוואס האט איר דאס געטוהן? צוליב וואס עס האט זיך אייך געדאכטן אז אונזער אפשאצונג, אויף די ערשטע/קרעמער פראגע, איז דער אנטווארט אויף אונזער פערזענדליכע אפוועזנהייט. איר פארטוישט. מיינע אפשאצונגען איז כלל ניט פארבינדן מיט אונזער אפוועזנהייט, און אויך כלל ניט פארבינדן מיט די דריטע/גרויזאמער פראגע. און מיר ווילן זיך טאקע בדייקא צו דעם ניט באציען בכדי ניט אריינצוגיין מיט אייך אין מלחמה, נאר אדרבה...
3. דאס דריטע איז דער כלליות'דיקע פראגע פונעם פורום אייערע, וואס איינער א ניק 'גרויזאמער' האט גראדע אויפגעפרישט די טעמע, באלד נאך קרעמער'ס פראגע (וועלכע איז די ערשטע אין אונזער ארטיקל). זעט זיך אויס אז גרויזאמער האט אויך דערשפירט אין זיין פראגע ווי א שטיקל תי' אויף קרעמער'ס פראגע... איז וואס האט דאס א שייכות צו אונז? וואס זיינען מיר שולדיג אז איר האט דאס אליין פריש אויפגעברענגט אין אייער פורום?.
נאר וואס? אז מיר האבן שוין יא גערעדט דערפון און דאס מער צוברייטערט, האבן מיר איין טאג דערויף, דאס הייסט דעם נעכטיקן טאג, זיך אביסל מער צוברייטערט אין די ענינים און געגעבן אנצוהערן וואס מיר האלטן, וואס דאס וואלט שוין לכאורה אויך געדארפט דינען אלס אן אנטווארט אויף די צווייט געפרעגטע פראגע.
איז ביי וואס האלטן מיר? אז די סיבה פארוואס פרישע אדער נייע קומען ניט, איז נאכניט פארענטפערט.
די סיבה פארוואס מיר קומען ניט, האבן מיר שוין געשריבן, איז צוליב וואס מיר זיינען פון אן אנדער טייג געקנאטן...
די מטרה פונעם פורום, לויט אייך פארשטייט איר דאס גוט, לויט אונז איז דאס ניט פאר אונזער געשמאק.
זיינען מיר אייניק?
היצטערט א טריט ווייטער, איבער אייניגע נקודות וואס זיינען אויפגעבראכט געווארן פון צווישן אונזער און אייערע תגובות. 'מחשבה'דיקע פורומ'ס' מיין איך צו פרעגן: א שטייגער, פארוואס איז דער פורום 'שיעור עיון', וועלכע איז געגרידעט געווארן פון אייער קרייז יונגעלייט, באגראבן טיף אין וויסטעניש פון פארק?. נאכמער איר פארמאגט אין אייער פורום א 'בית המדרש' אפטיילונג, ווי איר האט דאס א נאמען געגעבן, פארוואס איז דארט געוויינליך טויט? זיינען למשל ניט פארהאן ביי אייך מער ווי א צוויי דריי יונגעלייט וועלכע קענען זיך באפאסן מיט דברי תורה וידיעות?
נאך א נקודה וועלכע איר בארירט, איז דער 'שמוץ-פוליטיק', צו וועלכן איך וויל זיך בפירוש ניט באציען, הן מחמת די תקנות הפורום והן מחמת ס'ניט אין מיין געשמאק. נאר וואס יא? איך האב בלויז געמיינט אנצודייטן אז געוויסער חבירים ביי אייך, וועלכע זיינען אנגעקלעפט מיט די נאטורן פון די שמוץ פורמים טוהן זיי דאס בין השורות ניצן אויך ביי אייער פורום. אז איר מערקט דאס ניט איז ניט, זייט מיר מוחל.
בלייבט געזונט און א גוטן טאג
|
|
|
|
|
| נשלח ב-12/12/2006 08:38 |
|
| |
לאמיר גיין צוביסאלעך, איר פארלאנגט דאך ניט מער ווי אביסאלע מחשבה, וועל איך פראבירען צו ניצען מיין כמעט אומבאניצטער מח'ל, (אגב איך קען מיך נישט איינהאלטן כ'האב זיך דערמאנט פון א סטעיטמענט וואס פילע זאגען, אז רוב מענטשען נוצען נישט מער ווי צען פראצענט פון זייער מוח, דער פאקט איז אבער אז עס איז נישט אמת, רוב נוצען יא קנאפע הונדערט פראצענט פינעם מוח, אבער דערוועגן א צווייט מאל)
לאמיר פארשטיין וואס איז דער אפטייטש פון נוצען מחשבה ביים שרייבן אויב מיינט איר דערמיט צו שרייבען איבער מער טיפערע ענינים, ווי א שטייגער צו פראבירען צו פארשטיין גאט ב"ה, (וואס איך גלייב נישט אז דאס האט איר געמיינט ווי איר אליין שרייבט אויף א צווייטע פלאץ אז מיר אפשטאמיגע פון הייליקען וויליאמסבורג וועלן דאס במילא נישט ערייכען, מחמת אונזער קליין קעפעלע פארשטייט ניט צו אזעלעכע ענינים) וויל איך אייך זאגען, איר דארפט פארשטיין אז מיר ווילן דאס נישט טוהן ווייל אונז האט מען געפרעגלט מיט אמונה פשוטה, גלייבען אין באשעפער, ווייל אזוי האט מיר מיין טאטע געזאגט, און מיין טאטע האט דאס זעלביגע געהערט פון זיין טאטע, און מיר זענען דערמיט שטאלץ, איך וועל נישט אריין גיין אין א דעבאטע פארוואס דאס איז אזוי, אדער ווער עס איז גערעכט, אדער צו איז דען נישט בעסער די אנדערע וועג צו דינען דעם באשעפער ווייל מיר האבן דאס אליין איינגעזעהן, מיר איז גענוג אז איך וועל אראפ ברענגען וואס איך מיין אז דער יעב"ץ שרייבט, אז ביי די שפאנישע אינקעוועזיציע, בעת עס איז פאר געקומען דער גירוש ספרד, זענען די תמימי עם והנשים, די אלע וואס האבן געגלייבט מיט אמונה פשוטה אינעם אייבירשטען, האבן גענומען דעם וואנדער שטעקן אין די האנט און גלות געגאנגען, ווידעראום די אלע וואס האבן געדינט דעם אייבירשטען ווייל זיי זענען אליין'ס צוגעקומען דערצו דורך חקירה וכדומה, האבן ליידע ראנגענומען דער קריסטלעכער גלויבן אפי' עס איז בלויז געווען לפנים, ווייסט מען ליידער וואס עס האט זיך אויסגעלאזט פון רוב פון זיי,
מיינט איר אפשר צו שרייבען, וועלטליכע נייעס, און פאליטיק, און דערין זיך אריין לאזען, דאס קענט איר אויך טרעפען ביי אונז אביסל, און דאס זעלביגע קען געזאגט ווערן אויף אלע אנדערע פארשידענע טעמעס, איבער אלעם און אלעס פון דער גארער וועלט הן אידישע נייעס און הן וועלטליכע, נייעס און באהאנדלונגען, ווי דער לינק וואס מיין קאלעגע תוהו האט אראפגעברענגט פון א שיין ארטיקעל וואס איז דורך אים באשריבען געווארען, און דא האט איר נאך אפאר דערפון,
http://www.heimishekretchme.com/viewtopic.php?t=741
http://www.heimishekretchme.com/viewtopic.php?t=823
http://www.heimishekretchme.com/viewtopic.php?t=814
http://www.heimishekretchme.com/viewtopic.php?t=681
http://www.heimishekretchme.com/viewtopic.php?t=771
http://www.heimishekretchme.com/viewtopic.php?t=613
איך בין שוין צו מיעד ממשיך זיין איך וועל אי"ה מארגן ווייטער ממשיך זיין, דערווייל האט מיר אלע א גוטע נאכט.
_________________
|
|
|
|
|
|
| נשלח ב-12/12/2006 07:33 |
|
| |
פרידען צו אייך מר. סערוועיס.
תוהו, עוד הפעם גוט געזאגט,
מר. סערוויס איך וויל אייך שוין איבער בעטן אויב איר וועט דורך מיינע ווערטער זיך שפירען געטראפן, נישט דאס איז מיין ציל,
איך וועל אנהייבן אראפברענגענדיג אייער אייגענע דיבורים, און דערויף קאמענטירען,
צו אונזער וואונדער זענען אייערע ווערטער געשריבן
סארקאסטיש. סארקאסטיש מיינט; אז ס'איז געשריבן אויף אן אופן פון א
שטעך-ווארט, מיט א גיפטיקער שפאט, שטארק בייסענדיק.
מיך האט מען אויסגעלערנט ענטפערן,
אויפן זעלבען אופן ווי די פראגע, און אויב איר וועט נאכאמאל איבערליינען
מיט אביסאלע "מער" מחשבה אייער ערשטע תגובה, גלויב איך אז איר וועט עס
געוויס איינזעהן,
גוט איר ווילט בדייקא האלטן אנדערשט און בלייבן ביי די
געפרעגטע קשיא, מיר פארגינען דאס אייך הארצן גערן, אבער מאי כל הרעש? וואס
זיינט איר אונז באפאלן אזוי סארקאסטיש?
אויב האב איך נישט קיין טעות, דאכט זיך
מיר אז סיי דער ארענדער, מיין קאלעגע תוהו ובוהו, און איך, האבן עס קלאר
געשטעלט, דעריבער פארשטיי איך נישט וואס איר צילט "בלייבען ביי די
געפרעגטע קשיא",
אז איר ווילט בדייקא זיך באציען צום תוך פון אייער טעמע
קען איך דאס אויך טוהן, אבער כ'גלויב אז הערשט דאן וועט איר מיר ענטפערן
סארקאסטיש, ווי איידער זיך אפגעבן מיט די מחשבה און ענטפערן אויף די פראגע.
דאס אז איר קענט דאס טוהן איז מיר קיין נייעס נישט ווייל איר האט דאס שוין
אמאל געטוהן און מ'האט אייך , דאכט זיך מיר, אייך דארט גענטפערט מיט
מחשבה, אפשר נישט אויפן הויעכן שטייגער צו וואס איר זענט צוגעוואונט אינעם
טאג טעגליכען לעבן,
און אפשר טאקע יא אמאל ניצן מחשבה?
און וואס מאכט אייך טראכטן אז מיר ניצען קיין מחשבה ניט? באמת איז מיר דאס ניט קיין פראגע, ווי איר האט שוין אמאל געשריבען,
מיר זיינען דאך תינוקת שלא נפתחו עיניהם, נא ווי פארלאנגט איר, אז מיר
וואס האבן קיינמאל נישט גענוצט דער מענטשליכער טראכט שאכטעל, און עס איז
שוין אנגעלייגט מיט יארן שימל, זאלמיר זיך אויפאמאל נעמען טראכטן?
אפשר ענטפערט איר טאקע אויף די פראגע זעלבסט. פארוואס זיינען ביי אייערע קרייזן ניט פארהאן קיין נארמאלע פורמים א חוץ שמוץ?
וואס הייסט ביי אייך א נארמאלער פארום? מיר וועלן באלד אי"ה צוריק קומען דערצו,
זיינט איר טאקע אזוי פוסט אז אויב וויל מען זיך ניכטערן
פון שמוץ מוז דאס זיין בדייקא מיט בלויז לאזן די מחשבה לויפן אן קיין שום
מטרה?
וואספארא נאס ליילעך איז דאס?
אבער ווי איך זע מוטשעט אייך די טעמע
ואו אויבן געשריבען, איר
דאכט זיך מיר זענט געווען דער ערשטער ארויף צו ברענגען אזא טעמע אויפן
טיש, איר געענקט נאך א וודאי דער אשכול, "פראגע:וואס איז דער ציל פון דעם
פארום"
יעך וועל זיך אויך טיילמאל גיכער באפאסן מיט דערשטיקן א
מחשבה ווי איידער איר אויפצושפילן צום ריכטיקן אמת... פרעגט נאר דעם "מלך
זקן וכסיל" מיינעם, וועלכער עגבערט און בויערט אין מיינע מחשבות יום-וליל
אָן אַן אפשטעל...
והמבין יבין והכסיל יכסיל...
מיר וועלן צוריק קומען דערצו שפעטער,
און יא, אגב, איר מעגט וויסן, פון אונזערע לעצטע
באזוכינגען ביי אייך אין די קרעטשמע, האבן מיר אויך געמערקט, אין געוויסע
ניקים וועלכע קומען באלד פון שמוץ קאסטן ארויס, אז זייערע תגובה'ס מניק
לניק, און דאס באנעמען זיך מיט א צווייטן, ווי אויך די טעמעס זייערע,
זיינען ווי געגאסן א שטייגער ווי אין יענע פורמים...
יא, יא, אז מען איז אנגעקלעפט אין שמוץ דארף מען זיך פול וואשן דאס זאל אראפקומען.
זאגט נאר פארוואס זיינט איר דא אין
פארק? ח"ו איך וויל אייך קיין מוסר ניט זאגען, איך ברענג עס נאר אראפ צו
פראווען מיין שפעטערדיגע פונקט,
עס וואלט געווען פארגאנגען א פארגעניגן, ווען איר וואלט
זיך באצויגן מיט אביסקעלע מחשבה צו די ענינים פון וואס מ'רעדט, האט איר
אבער בוחר אז ווי איידער צו טראכטן און ענטפערן ווי דער שטייגער, איז האט
איר ליבערשט צו דערשטיקן און ענטפערן מיט אגרעסיוו.
דערויף קומט מיין קומענדיגע תגובה.
_________________
|
|
|
|
|
| נשלח ב-12/12/2006 06:52 |
|
| |
תוקן על ידי עולם_מלא ב- 12/12/2006 6:52:55
|
|
|
|
| נשלח ב-12/12/2006 05:04 |
|
| |
סערוויס
קודם בשקידה ובהכנעה בעט איך פארצייאונג אויב האב איך זיך אויסגעדרוקט צו שארף. איך האב עס אפשר נישט געשריבן מיט א פעדער פון האניג אבער בכלל נישט אינזין געהאט צו זיין סארקאסטיש .
יעצט קודם כל אויף די אלע פונקטן וואס דו חזר'סט דא איבער, אנגעצייכנט מיט נומערן, האב איך שוין געזאגט מין מיינונג איבער זיי אינעם פאריגן תגובה עיין שם ותשכח און איך זע נישט וואס האסט דאס צוגעלייגט.
נאכדעם זע איך נישט וואס דו קומסט מיט א גאנצע בקשה פון ניצן אביסל מחשבה ווי איידער דערשטיקן. איך האב זיך קלאר באצויגן צו דעם וואס דו האסט געשריבן און געזאגט מיין מיינונג איבער געוויסע פונקטן וואס דו האסט אנגערירט, יעצט אפילו נניח אז עס איז געווען סארקאסטיש איז דאס בלויז געווען דער שרייבן-סטיל אבער נאך אלץ געענטפערט דבר דבור על אופנו. און דאכט זיך אז צו ענטפערן דערויף בלויז מיט דעם אז עס איז געווען סארקאסטיש-גענויגט, דאס הייסט גאר 'נישט געענטפערט' נאר 'דערשטיקט די טענות'. אדרבא ,זאגט מיר וועלכען שטיקל איז געועון נישט צום זאך, נאר דערשטיקט.
(לאמיך אייך עפעס נאכאמאל מסביר זיין בעצם הענין, עס איז נישט אז איך בין דער גרעסטער חסיד פון דארט, ווי איך האב אפי' דא http://heimishekretchme.com/viewtopic.php?t=757 געשריבן ) נאר צו קומען סתם קריטיקירן די גאנצע זאך איז נישט קיין עסק און איך האב זיך אנגענומען פאר כבוד הקרעטשמע.)
ועוד. איר באגערט אז מיר "זאלן ניצן מחשבה", איז קודם כל דארף דער וואס גיט א מוסר דרשה זיין אויף א געוויסע מדריגה,דעריבער וואלט געווען א גוטע זאך ווען איר זאלט אייך ארויסשטעלן און ארויסווייזן עפעס טיפע געדאנקען אז מיר זאלן קענען צייגן מיטן פינגער אז 'דארט' ליגט מחשבה, אבער סתם אטאקירן אנדערע און פארלאנגען מחשבה ווען איר ווייזט גארנישט זענט איר דאך אינעם זעלבן טאפ. די זעלבע דארפט איר אנצייגן ווער זענען "אייערע" קרייזן, און לאמיר זען א לעבעדיגע מוסר ספר ווי וועם איר וואלט געוואלט אז "אונזערע" קרייזן זאלן אויסקוקן... לייגט ארויס די קארטן אויפ'ן טיש... צו שטיין אונטער'ן ליילעך און טייטלען מיט'ן פינגער אויף יענעם איז קיין דרך...
דו פרעגסט : "פארמאגן טאקע ניט אייערע קרייזן קיין פערזענדליכקייטן וועלכע זאלן וועלן פארבראכן אמאל די צייט מיט אביסקעלע מחשבה"
איז קודם ציט מוזן טאקע קומען די פערזענליכקייטן, אויב לאמיר זאגן עס איז בכלל דא, דא אויפ'ן פארק און שרייבן? אדער קען גאר מעגליך זיין אז די מחשבה סארט זענען נישט ביי 'אונזערע' קרייזן פון די וואס דרייען זיך דא אין פארק אדער עטליסט שרייבן דא. שנית, דו שרייבסט דאך אליין אז דער "מלך זקן וכסיל" נאגט דיר און עגבערט און בויערט אין דיינע מחשבות יום-וליל אָן אן אפשטעל, נו, אפשר איז טאקע בעסער אזוי? הלמאי דו קומסט נאך מיט א טענה פון "און אפשר טאקע יא אמאל ניצן מחשבה?" ווי שרייבט איר נאר ביים ענדע בלשונך הזהב "יא, יא, אז מען איז אנגעקלעפט אין שמוץ דארף מען זיך פול וואשן דאס זאל אראפקומען."
אויב נעמט איר דאס אלעס אויך אן אלס צו סארקאסטיש, דאן זייט מיר שוין מוחל (אבער באמת האב איך שוין מער רעכט איצט נאכדעם וואס איר האט נישט נאר גערעדט סארקאסטיש, נאר אנגעגריפן פערזענליך מיט שמוץ אנדערע שרייבערס (וואס איך ווייס נישט וועם דו מיינסט. ) אבער סארקאזם אין א זייט געלייגט, דער מציאות איז א קריטיק קען יעדער ארויסלייגן, אויב אבער פארשטייט איר יא צו עפעס דאן לייגט צו א האנט, אדרבא ברענגט ארויף אינטערעסאנטע טעמעס, שיינע ענינים און זייט דער וועג ווייזער.
|
|
|
|
|
| נשלח ב-11/12/2006 21:28 |
|
| |
SERVICE
You brought up some good points..., the main problem is
that it sounds like a family buisness... looks like 7 bloggers with 3 nicks each... everybody
writes the same way, I dont know what it is, but every think is fiction
which could be funny, but to a limit, but you cant trust a place where you can see
with out a question that everyone is the same person... and sometimes you need some
... real issues too
|
|
|
|
| נשלח ב-11/12/2006 17:33 |
|
| |
גוט מארגן אייך תוהו ובוהו און עולם מלא און צו אנדערע קרעטשמע זיצערס.
א גרוס אייך פון אייער קרעטשמע, מיר האבן נארוואס אפגעשטאט א באזוך דארט.
צו אונזער וואונדער זענען אייערע ווערטער געשריבן סארקאסטיש. סארקאסטיש מיינט; אז ס'איז געשריבן אויף אן אופן פון א שטעך-ווארט, מיט א גיפטיקער שפאט, שטארק בייסענדיק.
מיר פארשטייען ניט פארוואס איר האט זיך געקליבן גיכער זיך צו באציען צו א נושא וואס מיר האבן זיך אין א בפירוש'דיקן מכוון זיך ניט באצויגען דערצו?. מיר האבן דאך קלאר און דייטליך געשריבן, אז בשייכות די טעמע 'וואס די מטרה פון די קרעטשמע איז' וועלן מיר לאזן צו אייך זעלבסט.
בסך הכל וואס מיר האבן ארויסגעברענגט, איז געווען אן אפשאצונג צו אייער וואונדער, פארוואס עס פאלן ניט אריין פרישע וואנדערער, פרישע שרייבער. האבן מיר געשריבן עטליכע סיבות צו דעם. אין קורצן וואס מיר האבן געזאגט איז דאס:
1. אייער קרייז קומט בעיקר אין תחילת טשאטן אויפן פארק בלויז שמוץ, און אז דער שמוץ היץ האט נאכגעגאלאזט קומען אויטאמאטיש ווייניקער טשאטערס, און אז עס קומען ווייניגער טשאטערס פארשטייט זיך אז איר האט אויך אונגעוואוירן.
2. אפי' די וואס קומען נאך, יא שפאצירן שווער אריבער צו א נייעם לאקאל.
3. אפי' זיי וואלטן זיך געבראכן און יא אריבערשפאצירט צו א נייעם לאקאל, פארמאגט אבער דער נייער לאקאל זאכן וועלכע פלאגן אין געוויסן-זיין פון באזוכער, זיך דארט צו באזעצן.
דאס איז בסך הכל אין קורצן וואס מיר האבן ארויסגעברענגט. אייער פירער, קרעמער, האט זיך באקלאגט אין א לענגערן ארטיקל פארוואס עס קומען ניט - אלטע אדער - פרישע ניקים, האבן מיר געגיבן מיין אפשאצונג פארוואס. איז וואס ווילט איר? איר האלט אנדערשט, כל הכבוד!, איר קענט מחולק זיין און האלטן אז ניט אונזערע אנגעבליכע סיבות זיינען די אורזאכן פון דעם פראבלעם, גוט איר ווילט בדייקא האלטן אנדערשט און בלייבן ביי די געפרעגטע קשיא, מיר פארגינען דאס אייך הארצן גערן, אבער מאי כל הרעש? וואס זיינט איר אונז באפאלן אזוי סארקאסטיש?
אז איר ווילט בדייקא זיך באציען צום תוך פון אייער טעמע קען איך דאס אויך טוהן, אבער כ'גלויב אז הערשט דאן וועט איר מיר ענטפערן סארקאסטיש, ווי איידער זיך אפגעבן מיט די מחשבה און ענטפערן אויף די פראגע.
און אפשר טאקע יא אמאל ניצן מחשבה? אפשר ענטפערט איר טאקע אויף די פראגע זעלבסט. פארוואס זיינען ביי אייערע קרייזן ניט פארהאן קיין נארמאלע פורמים א חוץ שמוץ? פארוואס טאקע גייען די אלע פורמים אונטער שנעלער ווי געעפנט?, פארמאגן טאקע ניט אייערע קרייזן קיין פערזענדליכקייטן וועלכע זאלן וועלן פארבראכן אמאל די צייט מיט אביסקעלע מחשבה, מיט אביסל מער תוכנ'דיקע שמועסן ווי אבי געלעבט, אדער איר'ס גלייכן. זיינט איר טאקע אזוי פוסט אז אויב וויל מען זיך ניכטערן פון שמוץ מוז דאס זיין בדייקא מיט בלויז לאזן די מחשבה לויפן אן קיין שום מטרה?. פון אביסל גרינגערע מחשבה ביז בלויזע שטותים, איז פארט נאך פארהאן א מיטל וועג אינדערמיט! ניט אזוי?
ווי געזאגט האבן מיר כלל ניט געוואלט אריינגיין אין די טעמע, אבער ווי איך זע מוטשעט אייך די טעמע וועלכע מיר האבן בארירט בלויז אויפן שפיץ גאפל מער ווי דאס גאנצע עקזיסטענץ פון אייער קרעטשמע, מיר פארשטייען פארוואס...
און טוהט א שמייכל צו דערזייט... יעך בין טיילמאל אויך אזוי...
יעך וועל זיך אויך טיילמאל גיכער באפאסן מיט דערשטיקן א מחשבה ווי איידער איר אויפצושפילן צום ריכטיקן אמת... פרעגט נאר דעם "מלך זקן וכסיל" מיינעם, וועלכער עגבערט און בויערט אין מיינע מחשבות יום-וליל אָן אַן אפשטעל...
והמבין יבין והכסיל יכסיל...
און יא, אגב, איר מעגט וויסן, פון אונזערע לעצטע באזוכינגען ביי אייך אין די קרעטשמע, האבן מיר אויך געמערקט, אין געוויסע ניקים וועלכע קומען באלד פון שמוץ קאסטן ארויס, אז זייערע תגובה'ס מניק לניק, און דאס באנעמען זיך מיט א צווייטן, ווי אויך די טעמעס זייערע, זיינען ווי געגאסן א שטייגער ווי אין יענע פורמים...
יא, יא, אז מען איז אנגעקלעפט אין שמוץ דארף מען זיך פול וואשן דאס זאל אראפקומען.
בלייבט געזונט.
עס וואלט געווען פארגאנגען א פארגעניגן, ווען איר וואלט זיך באצויגן מיט אביסקעלע מחשבה צו די ענינים פון וואס מ'רעדט, האט איר אבער בוחר אז ווי איידער צו טראכטן און ענטפערן ווי דער שטייגער, איז האט איר ליבערשט צו דערשטיקן און ענטפערן מיט אגרעסיוו.
גוטן טאג
|
|
|
|
|
| נשלח ב-11/12/2006 03:22 |
|
| |
תוהו,
זייער גוט געזאגט, איך וועל נאר אביסל מוסיף זיין ווייטער,
סערוויס טייערער,
איך וויל מיך באציען אויף א פונקט וואס מיין קאלעגע תוהו האט אנגערירט, נעמליך דער פונקט א מאנגעל אין וועב זייטלעך וואס איז אין די אידישע שפראך,
אויב מיין זיכרון דינט מיר גוט, האט איר אמאל געשריבן אויף אן אנדער ארט, איבער דער חסרון הבקיעות אדער שארפקייט פון די אידיש רעדענדע, איך גיי איצטערט נישט באהאנדלען אייערע רייד דארט איך וויל זיך נאר אפשטעלן איביסעלע אויסשמועסן, דער טריקענער פאקט, דער איינציגסטער פלאץ דערווייל וואו אידיש רעדענדע האבן קובע מקום געווען איז געווען אין הייד פארק, אין אויב וועט איר באטראכטן, וועט איר זעהן אז דו אזויגערופענע בליהענדע פארומען זענען קיין איינס דערפון נישט גלייכע, תרתי משמע, עס האבן שון פילע פראבירט צו עפענען פארומען וואס זאלן זיין באזירט אויף פרידליכע און לייכטע טעמעס, און דאס זעלביגע אויף אביסעלע טיפערע טעמעס, אבער אלע איינס ביי איינס, האבן זיך אויסגעלאזט מיט דורכפעלער, דער איינצוגסטער פארום וואס איז געבליבען בליען איז די היימישע קרעטשמע, איז דאך דערפון משמע אז דער עולם האט דאס געגליכען, איצטערט די וואס מ'האט פארלוירען ביי דער גרויסער טריקעניש אין הייד פארק, זענען אבער פארט נישט אריבער געקומען, קומט אויס אז מיט דעם אלעמען וואס די קרעטשמע איז געווען גוט, האט עס פארט נישט פארדיענט דערפון, ווען מ'האט זיך אבער אריבער געצויגען צום נייעם פלאץ, האבן מיר פארלוירן א פאר גוטע שרייבער אבער נישט וויפיל, איר טראכט , אבער עס זענען צוגעקומען א שיינע פאר נייע שרייבער וואס מיר האבן נישט פארמאגט דא,
לאמיר צוקומען צום פונקט, וויבאלד עס איז היינט צו טאגס דא א מאנגעל אין א נארמאלע אידיש רעדענדע קאמיונעטי, פראבירן מיר טאקע לעצטענס אויפצוארבעטן די קרעטשמע, צו מאכן אלץ אזא פלאץ, וואס דאס וואלט נישט געקענט, צושטאנד קומען דא אין הייד פארק, אדרבה די אלע פראבלעמען וואס דערויף באציעט איר זיך, זענען דער האלבער סעלאשען דערצו, אדרבה גייט נאכאמאל אהין אריין און לייענט איבער די לעצטערע אשכולות,
איצטערט א ווארט איבער אייער הערה בנוגע מער ניק'ס ווי מענטשען, לעצטענס בין איך אביסל דורך געגאנגען דא די קרעטשמע אין הייד פארק און נאך די לעצטערע דיסקאוועריס, שטעלט זיך ארויס אז אין די נייע קרעטשמע זענען דא מער מענטשען ווי ניק'ס, אבער דא אין אלט קרעטשמע זענען א שיין ביסל אשכולות פול מיט תגובות געשריבען דורך איין אדער צוויי מענטשען אבער מיט אנדערע ניק'ס
אקעי איך בין פארטיג פאר היינט.
|
|
|
|
|
| נשלח ב-11/12/2006 02:52 |
|
| |
טעסט
|
|
|
|
| נשלח ב-11/12/2006 01:42 |
|
| |
סערוויס
איך בין טאקע פון די קלענסטע שרייבערלעך דארטן אין קרטעשמע אבער וויבאלד היינט איז זונטאג (ווי דו האסט מדגיש געווען) און די צייט שטופט מיך נישט, וועל איך דיר פרובירן מסביר זיין. (איך זאג קלאר אז איך רעד אייגנס און איך ווייס נישט צי די יעניגע זענען איינשטימיג מיט אלעם וואס איך זאג, )
קודם כל אויב דו זאגסט אז "האבן מיר דאן אנגענעם פארבראכט מיט די דארפס-לייט. מיר האבן זיי אביסל קענען געלערנט, מיר האבן דאן בקומען א שטיקל באגריף אין אירע אקטיוויטעטן", פארשטיי איך נישט וואס איז אנדערש היינט ווי דעמאלט? די זעלבע חברה מיט וועם איר האט קאמיוניקירט דאכט זיך זענען קאי וקיים, און אין פולן שוואונג. אפשר נאר אנדערע ניקים...
זאגסט:
"נאר מיר האבן זיך געקליבן גיכער מער אינהטלטסרייכערע טעמעס וועלכע ציען אממיינסטנס אונזערע נאטורן."
דא האסטו שוין אויך, נישט ווילענדיג, ארויסגעגעבן דעם סוד (אויך בבחינת שאלת חכם חצי תשובה). אזא איינער וואס האט ליב אנדערע פעלדער (ווי עצור וכדו') קען נישט דזאדזשען און קומען מיט גאנצע הסברות פארוואס עס גייט יא אדער נישט , דער קרעטשמע איז דאך אינגאנצן אן אנדערע סארט זאך, עס איז פאר די וואס האבן סתם ליב צו שטופן אין געוויסע זמנים די צייט דורך אפטייפן עפעס און זיך ארויסגעבן אויפן פאפיר אנשטאט סתם טראכטן עפעס אדער בלויז רעדן, ווערט דאס פארוואנדלט אין א העכערע בחינה פון שרייבן. און נאך אלעם קומט ארויס עפעס גוטס אויך, און ווער זאגט אז זיי האבן עפעס א ציל פון אנקומען צו א געוייסן ציל. (אפיילו טייל מסתמא יא,) און אויב די תושבים זענען צופרידן אז זיי האבן וואו צו שרייבן איז דאס אייגענטליך זייער ציל.
צווייטנס , שרייבסטו:
" און איר מעגט וויסן אז פון צייט צו צייט האבן מיר זיך אפילו גענומען די מיה און צופוסנס אריבערשפאצירט צו אייער נייעם לאקאל."
און וואס מאכט דיך טראכטן אז קיינער וואנדערט נישט אריין דארט.פונקט ווי דו ביסט מודה אין אריינבליקן דארטן וואלסטו געמעגט ציען א גזירה שוה -אדער גאר א קל וחומר - צו אנדערע גולשים אויכעט אז זיי קומען אויך פארזוכן דארטן דעם טעם.
ולמען הפונקטליכקייט זאגט מיר צי וואלט איר טאקע צוריקגעקומען קוקן פון צייט צו צייט אויב וואלט דארט טאקע געווען א בלויזער אומבאטעמטער פינף-שרייבערלעך פלאץ...
און לאמיך אייך אויך פרעגן , אפשר זאגסטו מיר טאקע וואו זענען די בעסערע פלעצער וואו עס איז פיל אינטערעסאנטער "אויף די אידישע שפראך"? אדרבא, וואו ווערן אויסגעשמועסט אינטערעסאנטערע ענינים און איך דרוק נאכאמאל "אויף די אידישע שפראך"? דו ברויכסט אונז דאס מגלה זיין פשוט אלס דעם "אל תמנע טוב" אויף וואס דו באציסט דיך בתוך דבריך.
דערנאך פארסטו אריבער צו פרובירן מסברי זיין וואס "דער פראבלעם" איז. איך וועל דיר ענטפערן דערויף אויך גאר בקיצור מחמת טרחא דציבורא און בעיקר מחמת א נערוון-מאנגל.
דאס וואס איר זענט מסביר אז באזוכער פלעגן אריינפאלן אבער היינט, נאככן זיך אוועקציען, איז זיכער געווארן וויינגער דער צאל פון די אריינפאלער, איז קודם איז דאס א מוראדיגער אמת'ער אנאליז , אבער איך האף אז איר טראכט אז דאס האבן די מנהלים אויך גענומען אין באטראכט, דאכט זיך עס איז גאנץ א פשוטע קאלקולאציע. סאו ווי איידער צו געבן א ברייטן אנאליז, דארפסטו ליבערשט קומען ווי א זייטיגער צוקוקער, ווי א פרעמעדער, און פרעגן "וואס איז בכלל די מעלה דארטן? פארוואס איז מען אוועק? (איך באמת ווייס אפילו נישט פונקטליך, אבער דאס אז ווייניגער מענטשן וועלן אריינפאלן דארטן, גלויב איך האבן זיי אויך גענומען אין באטראכט.
אויסערדעם וואס לכאורה ווען איינער קומט דא אריין זעט ער דאך אז מען האט זיך אריבערגעצויגן צו א נייעם פלאץ, סאו אויב איז דארט בעצם גענוג אינטערעסאנט איז דאס מעגליך נישט אזא אומגעהויערער פראבלעם.
און אויב ביסטו יא אזא גוטער פארשטייער דאן גיבזשע אויך אן הסברה אויף די אנדערע פורומס וואס "איז יא פלאצירט אין הייד פארק הבירה" און דאך זענען פילע טיילווייז פאר'חלש'ט און אנדערע אינגגאנצן פארשלאפט, פארוואס? וואס איז דארט דיין אפשאצונג? פארוואס איז נישטא קיין איין בליענדע פארום אויסער די פאליטיק-אנגעשמירטע?
עכ"פ, ווען וועסט געבן דיין אפשאצונג אהין און אויסטרעפן אן הסברה פארוואס דארט שלאפט, דאן קענסטו נוצן דעם זעלבן פארמולא אויך ביי דעם קרעשטמע. אולי.
אויף די פריוואטקייט חלקים , פעסווארד וכו', האט דער ארענדאר בעסיקלי געענטפערט דיינע פראגעס. אבער בעצם ווייס איך נישט פון וואו דו נעמסט מיט אזא זיכערקייט אז רוב האבן דעם פראבלעם. קודם זאגסטו דאך אז דו ווייסט ווייל דו ביסט אביסל באהאוונט מיט דעם אונטערוועלט,. און נאכדעם , אפילו רוב ווילן בלייבן אין געהיימניס, איז דארט ננישט קיין פלאץ וואו מ'שרייבט עפעס קאנטראווערסיאל אז מזאל אזוי ציטערן פאר די ווייטע מעגליכקייט פון קענען נאכגיין די שפורן.
איך וועל מסיים זיין מיט דעם מאמר החכם "דאס, די אלע סיבות, און מעגליך נאך, זענען די ריכטיגע תירוצים אויף אייערע אזוי געפרעגטע פראגן."
און צוענדיגן בברכת הדיוט: "בלייבט געזונט אויף דערווייל".
|
|
|
|
|
|
