הערות אויף "דער אלטער מיטן קיטל"

שנאפס & סושי;

איך האב נאכנישט פרובירט צו עסן סושי און צוטרינקן דערצו שנאפס... מסתמא איז דאס גוט.

יישר כח פאר אייערע קאמפלימענטן!

אגב, ווער זענט איר? צוויי נייע ניקס וואס האבן זיך אריינגערוקט צינעזאם. זענט איר אלטע קרעטשמע זיצער מיט נייע ניקס? ווייסט איר נישט אז מען ברויך איינמעלדן פארן עולם די אלטע נאמען (אזוי איז די געזעץ אין ניו יארק, אז ווען מען טוישט נאמען ברויך מען אריינשרייבן אין די לאקעלע צייטונגען: דער און דער וואס האט אמאל געהייסן אזוי און אזוי, וועט פון היינט און ווייטער זיך רופן אזוי און אזוי).

איך דריי מיך שוין ארום דא א שטיק צייט אבער ס'איז דאס ערשטע מאל וואס איך טרונק

מאך א פאר ברכה.

א נאך ברכה ברויכסטו נישט מאכן ווילאנג עס איז נאך דא אביסל משקה אין קרעטשמע (אדער ווילאנג דיין בית קיבול פארנעמט).

זייער א לאנגע צייט וואס איך שיכור דא ארום, אבער עס איז די ערשטא מאל וואס איך עס דא סאשי אה,,, אם,,,עס איז גאנץ גיט

ר' קרעמער;

במחילה מכבודי, עס קען זיין אז איך בין נישט קיין שרייבער אין אלגעמיין, אבער מיין הערה איז געווען לויט מיין געשמאק,
כ'מיין ווייסטעך, "איַין לעדאַיַיען עלאָ מאַ שעאיַינאַוו רויעס".

איך קען דיר זאגן איין זאך, ווען איך זעה געווען נישט ביים "מחבר קעפל" דעם נאמען 'קרעמער', וואלט איך נישט צופה געווען אין דעם אשכול, ווייל דער קעפל קוקט עפעס אויס ווי עפעס א אור אלטע פארלאפענע מעשה וועלכע האט זיך אפגעשפילט אין זיבעצנטן-יאר הונדערט אין די אלט-ניי פראגער שוהל, און פארשטייט אז אזעלעכיגע מאנסעס אינטערסירט מיך גאר קנאפ...

שוין רבו עלי חבירי... און קיין מבין בין איך פארט נישט...

אהא - זרח - מעשיות פון מיטל-אלטער אין פראג אינטערסירן דיר קנאפ? נו וואזשע דען ליינסטו יעדן שבת נאכמיטאג מיט אזא געשמאק אויפן סאפע ווען די טעלער מעלאנע ליגט דיר ביי די זייט? הא? כ'מיין ווען דו האסט נישט קיין 'קרעמער' מעשיות נאר 'ברוך יודא שניצלער' וכדומה, הא?

קוידעמ ווער איז ברוך יודא???

נאכדעם, וואס הייסט וואס? איך פרינט ארויס פאר שבת דעם... יא וואס? 'היימישע קרעטשמע'...

און יא, איך זאג פרק...

אבער אלטע אויסגעדראשענע באבע מעשה'ס פון אידישע ליכט, מאן דכר שמי'

און זאגט מיר קרעמער, איר האט יא א געשמאק דערין???

קרעמער;

נעם דיר אליינס א קאמפלימענט, קענסט דיך אויסוועלן וואס די ווילסט.

זארעכ;

ברוך יודא שרייבט א מעשה (מאנסע) אין "די צייטונג" פאר די אלטע באבעס (אפשר פאר 'קרעמער' אויך).

זרח'ל;

ר' ברוך יודא איז טשאבע'ר רב.

געשמאק אהער געשמאק אהין (אגב; וואו איז געשמאקער?), ווען נישט די אלע צוויי ביליאן מעשה'לעך פון די אידישע ליכט און די אלע אלטע אויסגעדראשענע צייטשריפטן (לייג צי צו די ליסטע: אלע מנחם מענדל, מנחם גץ, און דערציילונגען פון צדיקים מעשה ביכער) וואלט איך נישט געוואוסט אין וועלכע האנט מען האלט א פעדער!

נפחא;

יישר כח פאר די נישט-קאמפלימענט. אמאל איז דאס אומגעזאגטע מער ווי דאס געזאגטע.

בום בום בום בום בום בום בום בום.... קלאפט מיין הארץ מיט א שנעלן טאקט, די טרערן שטיקן מיר ביים האלז און שטיפן זיך אפילו ארויס פון די אויגן ווינקלען, קרעמער דיין מעשה האט אויפגעטון דאס ריכטיגע און האט מיך געמאכט אסאך טראכטן....

יא יא, מ'זעמיר טאקע נישט אלט, מזעמיר טאקע נישט קיין לאגער געליטענע, ניין מיר ווערן אפשר נישט אזוי איבערגענומען ווען מיר זעען די גרויליג-שמייכלענדע דייטשן שניידן בערד פון ערליכע אידן, אבער מיר ווערן גענוג באנומען ווען מיר זעען אין די צייטונגען ווי וואלונטירן פון 'חסד של אמת' קראצן און קלויבן בלוט פון יונגע מענטשן, מיר ווערן שוין איימאל באנומען ווען מיר האלטן מיט לויות פון בני עשרים ושלושים מיט וועמען מיר האבן נאך הערשט נישט לאנג צוריק ארום געלאכט און געהאט מיט זיי א גוטן טאג, מיר ווערן שוין גאר גוט באנומען ווען מיר קוקן דורך אונזערע טעלעפאן ביכלעך -אפילו מיט די ווייסע בלעטער- און מיר שטויסן זיך אלע וויילע אן אין נאך א נאמען פון א חבר וואס שוין אין די ראצער-יארן ליידט זיך שוין צוזאם ביטערע צרות משונות פון אלע ערלייען......

הוי, הייליגער גאט אין הימל, באהיט אונז, באשיץ אונז, שטארק אונז, באלייכטער אונז, ברוחניות ובגשמיות.....

לאמיר זיך טאקע אויסבעטן א גוט זיס לעכטיג יאר.

קרעמער זאל דיר זיין צו מצוה מיין כונה'דיגער דאווענען דעם יום כיפור.....

טייערע ראש הקהל;

וועסט אפשר מיינען אז איך מאך א שפאס, אבער דיינע פאר שורות האבן מיר צוריק אויפגעוועקט אינערליכע געפילן וואס איך פרוביר צו דערשטיקן... דיינע ווערטער זענען אויפטרייסלענד פון איין זייט, און בארוהיגענד פון די צווייטע. ווי א פראפעסיאנעל ברענגסטו ארויס די ווייטאגן וואס דאס מענטשהייט מאכט זיך מיט, און די געהויבנקייט פון די טעג וואס שטייען פאר אונז, אין וואס מיר קענען זיך אלעס גוטס אויסבעטן.

לאמיר זיך טאקע פארנעמען אינזין צי האבן איינער דעם צווייטן ביי די תפילות, והמתפלל בעד חבירו הוא נענה תחילה. זאלן מיר אלע זוכה זיין צו א זיסע לעכטיגע יאר!

החותם בדמע
קרעמער