נידער מיטן ראש הקהל!!!

נו ווער איז גרייט צו לויפן קעגן דעם הויכגעשעצטן רוישהאכאהעל

כא! כא! כא!..... פלאצט דער ראש הקהל אויס אין א שפאטיש געלעכטער!

ווער האט עס אים דעם נארישן גראף אפילו געפרעגט....

דער ראש הקהל וואס האט קאנטאקטן מיט די גרעסטע פריצים און גראפן אזש דער קייזער אליינס שרייבט זיך מיט אים פער דו......

נו זאל זיך זיין מאיעסטעיט דער ראש הקהל קימערן וואס דער פיצינקער גראף וואס פארמאגט סך הכל אפשר איין גוט און דריי פעלדער אוואו עס פאשען נישטיגע דרייסיג שאף און רינדער.....

כא! כא! כא!..... לאכט ער ווידער אין פנים אריין פונעם שוין יעצט פארשעמטן גראף.... כא! כא! כא!.....

ווייזט אויס אז מיין חשד - אז דער ראש הקהל האט אונטערגעשטעלט שפיאנען אדער הער אפאראטן אינעם גאנצן קרעטשמע - איז נישט קיין אומזיסטיגער... ווי נאר איך האב פארענדיגט ארויסברענגן מיינע מחשבה'לעך, און איינער פון די אנוועזענדע האט גענומען די דרייסטקייט צו פרעגן אין א שטילע פארבארגענע שטימע אויב איינער איז גרייט און האט די שטארקייט זיך ארויסצושטעלן לויפן קעגן דעם ראש הקהל, שוין איז דער ראש הקהל אנגעקומען מיט זיין קארעטע, איינגעשפאנט צו פיר ווייסע פערד, באצאלט פון קהל'ס קאסע ווי געווענליך, געטריבן דורך זיין שיק יונגעל וואס איך ווייס ניטאמאל וויאזוי מען רופט אים.

הער ראש הקהל לעבן! יעצט קענט איר שוין צוזאגען וואס איר ווילט! דער עולם זעהט מיט וואספארא נישטיגע ביליגע צוזאגעכצער דו האסט זיי אריינגעפאפט דיר צו ערוויילן גלייך נאך ירוחם פישל'ס פטירה, גלייך נאכדעם וואס דו האסט זיך פארזיכערט מיט די פאזיציע, האסטו זיי געווארפן אויפן דראנג און געלאזט פייפן, יעצט וועלן מיר דיר לערנען א לעקציע וואס דו וועסט נישט אזוי שנעל פארגעסן.

ניין ניין יאך ציה צוריק
איך האב געמיינט צו זאגן ווער איז דען גרייט?
כאסבעשאלעם קיינער וויל זיך ביי אונז נישט קעגן שטעלן אונזער הויכגעשעצטער ראש הקהל, וואס באדינט אונז אזוי געטריי און ערליך זינט ער איז אויף זיין אמט ארויפגעווארפן געווארן, חוץ מזה דער דעת תורה איז צו וועלן פאר די אמטירנדיגע בענקלעך

'חיים חייקל דער וואסער טרעגער' נייגט זיך אזוי צי א האלבן אויער, און הערט זיך אונטער צו דעם גאר סודות'פולן געשפרעך, וואס קומט אצינד פאר צווישן דעם גראף אין דעם ראש הקהל.

ער שמייכלט זיך אזוי אונטער, בעת אין זיינע געדאנקען שוועבן, אז א תפלה וועט אין דער איצטיגער אנגעצויגענעם מומענט נישט שאטן.

ס'ארא חילוק דם צי צפרדע, ס'ארא חילוק פאר אונז איינפאכע דארפס לייט ווער ס'זיצט ביים שיסל, דער פויבסט צי דער פריץ, דער גראף צי דער ראש הקהל?, וואס וועלן מיר - די ארעמע שלעפערס - דען שפירן א חילוק? וואס וועט דאס פאר אונז אויסמאכן אינעם טאג טעגליכן?

דער עיקר, לב מלכים ושרים ביד ה', ווער ס'וועט נאר צום שיסל אנקומען, אויף סיי וואס פאר אן אופן, זאל אים ג-ט באשענקען מיט א גוט הארץ, און נישט צושטערן אונזער באליבטע קרעטשמע...



תוקן על ידי - חיים_חייקל - 07/11/2005 3:06:07

חיים חיקל האט מען דיך געבעטען זאלסט נישט פארציילען וואס די הערסט אין קרעטשמע?.
מאכט נישט אויס, מיר וועלען ווייטער קענען אנגיין מיט די עבודת הקודש און הנאה האבען פון די טאג טעגליכע פארברענגען אינטער דעם הייסען אויבען וואס דערווארימען אלעמענ'ס קאלטע קערפער.
באלד קומט אריין דער קרעטשמער אליין מיט'ן הייסען טאפ זיפ. איך זיץ שוין מיט'ן גרויסען לעפעל גרייט זיך צו דערקוויקען דאס העלזעלע מיט די פרישע בונדעל זיפ וואס פארענדיגט זיך מומענטאל צו דערקאכען.
ביז דערווייל לאמיר זינגען א לידעלע

וואס?! שוין ווייטער גייט מען אויפנעמען א נייעם הערשער?!
נארוואס איז ער אויפגעקומען אויפן טראן און שוין נידערן?

זאל מען נאר האפן עס זאל נישט שאטן פאר קיין אידן !
מיר דארפן דאך דרינגענד האבן האלץ און שטרוי פאר דעם בעפארשטייענדן ווינטער.
עס זאל נישט שאטן פאר אידן!

נאטורליך;

בונדל-זופ? הא? שיינע נאמען פאר נעכטיגע טשאלענט...

אזוי רופען עס די אידענעס דא אין קרעטשמע, אדרבה פארצייל וואס עס ליגט דערינטער.
ביי אונז אין שטוב איז ביי ברוך קל עליון פון דער טשאלענט קיין זכר שוין נישט דא.

טייערער פויער
אויף האלץ בין איך נישט באזארגט, דאס וועט שוין נחמן נטע באזארגן, אבער שטרוי איז א פראבלעם, מ'וועט זעצן א בעסדינ וועגן דעם.

חיים חייקל זאגט אז ביי אונז אין דארף:

מען קאכט איינמאל א וואך א גרויסן טאפ בארשט מיט ריבלעך - און אין ווינטער קרויט מיט באנדלעך - אדער קרויט איינגעזייערט אין פעסלעך און טעפ, ראסל מיט בוראקעס און האלעפצעס. דאס ווערט געגעסן ביז שבת.