די קוראן און אידיש

עס קען זיין אונז זענען נרדפים, און האבען אפשר לאנגע נעזער, און אונז זענען מעורר פראבאקאציעס, אבער הכל מודים אז קיין טיפשים זענען אונז נישט, און אונז ווייסע גאנץ גוט די גרעניץ פון מציאות און דמיון..

עס איז נישט קיין קונץ נאכצושרייבען יסודות וואס שטייט אין תורה מסיני, און כאפען א היטש דערמיט אויף די הבלים וואס ווערט דערמאנט אין קאראן.

לדעתי האט מוחמד געגלייבט אלעס וואס שטייט אין קאראן, ווייל ער איז קיין יוד נישט געווען...

זיי ביטע מסביר פאר די היימישע יודעלעך דא אין קרעטשמע, וואס ווילן זיך זעצן לערנען די קוראן..., וואס איז דאס קוראן? און פון ווי קומט עס?

תוקן על ידי - kraitchmer - 04/12/2005 13:51:42

וואס איז געשריבן געווארן פריער, תורת משה, אדער להבדיל די קוראן?

דער קאראן איז געשריבען געווארען דארעך א יוד וואס איז געווען פון די יועצים פון מוחמד, אסאך שפעטער פון די תורה.
לויט געוויסע מקורות איז מוחמד געווען אן אלפאבעט נישט קענענדיג שרייבען און ליינען.
ביי די מוסלעמעינער איז אנגענומען אז די כביכול האט דאס געגעבען פאר מוחמד דארעך זיין שליח גבריאל (פרעג מיר אפ).

אנהייב ספר הכוזרי ווערט אביסעל ארים גערעדט וועגען דעם ספר.
די עיקר וועג וויאזוי די איסלאם האט פראבירט צו אריין כאפען אינטער זיין פליגעל די וועלט איז געווען דארעך דעם וואס זיי האבען געשטעלט זייערע יסודות אז עס איז געמאכט פאר יעדעם. נישט אזוי ווי להבדיל די תורה וואס איז א מתנה נאר פאר כלל ישראל און א גוי וואס וויל זיך אויפפירען ריכטיג דארף זיך אלייןס פלאגען זיך אויס צולערנען די רצון הבורא.

די עיקר פראבלעמאטיקע מיט די קאראן איז:
1. קיינער האט נישט געזען ווי מוחמד האט דאס באקומען (ווען איינער זאגט מיר אז א מלאך האט זיך באוויזען צו אים, טראסט איך אים נישט מיט קיין ניקל).
2. ער זאגט גארנישט צו פון 'דער' וועלט נאר פון יענע וועלט, און קיינער איז נאכנישט צוריק געקומען זאגען אז עס איז מקויים געווארען, לעומת זאת להבדיל תורתינו הקדושה זאגט צו אויף די וועלט אם בחוקותי תלכו ונתתי גשמיכם בעתם, וואס מ'קען זיך אליינס איבער צייגען צו עס ארבעט אדער נישט.
3. די מתנה וואס ער זאגט צו איז א גשמיות'דיגע מתנה און גשמיות'דיגע מושגים, וואס איינער וואס האט געלט קען זיך דאס אליינס ערלויבען אביסעל מער אביסעל ווייניגער, קומט אויס אז פאר אזא איינעם איז די קאראן נישט געמאכט געווארען, ווייל פארוואס עפעס זאל ער מוותר זיין אויף א פרייע לעבען ווען ער קען האבן וואס ער וויל + די וואס די קאראן זאגט צו.

אויסטוישען די תורה מיט די קאראן איז זיננען לאז, אויב שוין יא טויש עס איין אויף רעפארם אדער אתאיזם וועסטו האבען עולם הזה (אויך נישט זיכער. אפשר פאר'ן מינוטיגע הנאה קען זיין, קיין 'אושר' [=גליק] גלייב איך נישט אז מ'האט)

תוקן על ידי - כורמיזא - 04/12/2005 11:42:36

סוף כל סוף דינט מען די זעלבע איין איינציגע באשעפער איבעראל. נו וואס א נפקא מינא. וואס די שכר איז, דאס ווייסט מען סייווי נישט ביז מ'קומט אן אהין.

גלייבן: גלייבט יעדער וואס מ'האט עם פארציילט אלץ קינד, און אין וועלכע סביבה מ'איז אויפגעוואקסן.

הצד השווה שבהן: קומען אין קרעטשמע, טרינקן און לאכן, און לעבן א גוטען טאג, שמיסען, און שמייכלען. אויסגעהאלטן על פי תורה, און על פי מענטשלכקייט. ס'זאל זיין צו גאט און צו לייט

ס'איז נישט אינגאנצען ריכטיג וואס דו שרייבסט.
לויט די קאראן דארף מען גלייבען אז מוחמד איז א נביא, וואס על פי תורה איז דאס נישט אויסגעהאלטען.

עס איז דא אסאך גרויסע חילוקים פון זייער גלויבען און להבדיל אונזערע, איך האב נישט קיין צייט מאריך צו זיין, עס איז דא גענוג ספרים וואס איז דן אין די נושא.

בקיצור קען מען עס שרייבען אזוי:
די געזעצען פון די תורה הקדושה זענען אין די מהות די מטרה, דאס הייסט אז ווען די תורה הייסט למשל מזאל היטען שבת, איז נישט די סיבה ווייל מ'זאל עפעס פארדינען דערפון, נאר די מטרה איז די היטען אליין, און אפילו מ'דארף בויען א משכן פאר'ן כביכול ב"ה טאר מען עס נישט מחלל זיין, לעמותם להבדיל אין די קאראן איז דא קלענערע מטרות און גרעסערע מטרות, די גרעסערע מטרה ווארפט אלעמאל אוועק די קלענערע, און די מטרה איז מקדש אמצעים, און אויפן חשבון פון מאכען די גאנצע וועלט מוסלמים מעגען מען זאגען שקר למשל און עס איז מותר, איי שקר אליינס איז אן עבירה? נאר די תירוף איז אז שקר איז אן עבירה נאר ווען עס שטערט נישט פאר די מטרה.

און נאך איין נקודה,
די תורה הקדושה איז די איינציגע גלויבען וואס מ'קען עס אויפווייזען אז עס איז אמת אפילו אויב מ'גלייבט אין גארנישט (איך רעד נישט פון קיין קארץ קעפיקע מענטשען וואס גלייבען אז די וועלט איז פון זיך אליינס באשאפען געווארען)

א גוט מארגן!

איך זעה אז איך האב פארפאסט א זעלטענע שיינע שמועס פון הרב כורמיזא..

לאמיר פרובירן אריינכאפן א שאלה צוויי:

1. איך הער אז אין די קוראן ווערט געשילדערט אז די עקידה איז פארגעקומען מיט ישמעאל'ן. ווייסטו דערפון?

2. ווייסטו אויב ביי די ישמעאלים איז אן ענין צו גיין מיט א בארד? מ'זעט די מער פאנאטישע טראגן א בארד אזש שיורד על פי מדותיו, ווידער די מער בעסערע נישט (איז דאס אזוי ווי להבדיל ביי אונז?).