| נשלח ב-25/12/2005 19:02 |
 |
| |
!!!!!!!!!!!!!!! חנוכה !!!!!!!!!!!!!!!
פאר ענינים פון חנוכה, קושיות/תירוצים, שמועסן/געדאנקן, און שיינע דברי תורה.
|
|
|
|
| נשלח ב-25/12/2005 23:02 |
|
| |
שבת חנוכה פאלט געוויינדליך אויס פרשת מקץ
רמז לדבר מ'ק'ץ' ראשי תיבות מ'אצא ק'אד צ'מען.
קענסט שרייען פון היינט ביז מארגן "חי_וקים", ס,וועט דיר גארנישט העלפן...!!!
|
|
|
|
| נשלח ב-26/12/2005 00:25 |
|
| |
חנוכה בתורה מנין?
רמזים אין די תורה צום יו"ט חנוכה ווער ווייסט?
איך וועל פראבירן צו טרעפן עטלעכע תירוצים.
1)"ויחנו בחשמונה" דאס איז דער 25'סטער מסע, רמז אז כ"ה בכסלו וועלן רוהען די חשמונאים פון זייער מלחמה.
2)"יהי-אור" דער 25'סטער ווארט פון אנהייב בראשית איז דער ווארט 'אור' רמז לדבר אז 25 אין חודש כסלו וועלן מיר צינדן ליכט.
3)אין פרשת אמור איז די תורה סומך מצות הנרות 'ויקחו לך שמן זית זך' צו קריאות החג וואס דארט שטייט 'אלה מועדי ד'' כלומר מרמז צו זיין אז חנוכה איז אויך המועד.
ווער ווייסט נאך רמזים?
קענסט שרייען פון היינט ביז מארגן "חי_וקים", ס,וועט דיר גארנישט העלפן...!!!
תוקן על ידי - חי_וקים - 26/12/2005 0:25:46
|
|
|
|
| נשלח ב-26/12/2005 01:19 |
|
| |
לאמיך אייך פרעגן וואס זאגט איר אויף די בילד, דער וואס האט געצינדן האט די חנוכה ליכט האט מקיים די מצווה כהלכתה אדער נישט???
וועט איר אוודאי פרעגן פאר וואס נישט?
קודם לאמיך אייך זעהן פרעגן, דער נאך וועל איך אייך מסביר זיין וואס איז דער פראבלעם אין דעם.
קענסט שרייען פון היינט ביז מארגן "חי_וקים", ס,וועט דיר גארנישט העלפן...!!!
|
|
|
|
| נשלח ב-26/12/2005 14:53 |
|
| |
איך וויל זיך אנטשולדיגן. איר ווייסט דאך אז איך האב לעצטנס ווייניג צוטריט דא, האב איך נישט באמערקט אז "שייןהויך" האט שוין געעפענט אן אשכול וועגן עניני חנוכה און דעם בית יוסף'ס קשיא.
חטאתי עויתי פשעתי
|
|
|
|
| נשלח ב-26/12/2005 18:09 |
|
| |
פארוואס צונדען נישט קיין פרויען חנוכה לעכט?
|
|
|
|
| נשלח ב-26/12/2005 19:51 |
|
| |
דער חתם סופר שרייבט (איך האב עס נישט געזען אינעווייניג, נאר געהערט) אז דערפאר צינדן נישט די פרויען קיין חנוכה ליכט, ווייל אמאליגע צייטן פלעגט מען צינדן אינדרויסן ביים טיהר פון גאס, און כל כבודה בת מלך פנימה!!!
|
|
|
|
| נשלח ב-26/12/2005 20:35 |
|
| |
קרעמער;
זייער פיין  (איך האב עס יא געזען אינעווייניג)
די פשוט'ע תירוץ איז אבער לכאורה אזויווי תוספת זאגט אין מס' שבת, אז ווען מ'האט איינגעפירט די מהדרין מן המהדרין, וואס איז לויט די בית הלל מוסיף והולך און לויט די בית שמאי פוחת והולך, האט מען עס נישט איינגעפירט אויף די מהדרין וואס איז נר לכל אחד ואחד, נאר אויף נר איש וביתו. ודו"ק כי קצרתי.
|
|
|
|
| נשלח ב-26/12/2005 22:12 |
|
| |
חיי וקים אויב איז עס געווען בייטאג דעמאלטס נישט אבער אז עס איז געווען חנוכה און אויך ביינאכט האט ער מקיים געווען כהלכתו לעני''ד
(און איין וועגס אז מרעדט שוין דיין סלאגען וועפט שוין)
|
|
|
|
| נשלח ב-27/12/2005 03:45 |
|
| |
cano, אפי' אויב ס'איז יא געצינדן געווארן ביינאכט, אויב אבער איז עס געווען ערב שביעי של פסח האט ער אויך נישט יוצא געווען...
איך מיין אז דער פראבלעם איז אז ער האט געצינדן דעם שמש אויף איין "לעוועל" מיט די איבעריגע לעכט. ס'ברויך זיין אדער העכער אדער נידריגער.
ער קען שרייען חי וקים ביז מארגן, זיין צינדן איז אבער נישט אויסגעהאלטן ע"פ הלכה.
|
|
|
|
| נשלח ב-27/12/2005 07:38 |
|
| |
ווער זאגט אז די לינקע לעכטל איז א שמש ? איי סיז אפגעריקט נו איז וואס.
לעולם איז די זיבעטע טאג = נאכט..חנוכה... און דער שמש האט שוין לאנג אויסגעברענט.
|
|
|
|
| נשלח ב-27/12/2005 17:51 |
|
| |
ער האט יוצא געווען די מצוה כהלכתו מיטן אנצינדן לעכט נישט קיין חילוק וויפיל אדער וויאזוי מהדרין מן המהדרין קען מען עם נאר נישט אנריפען כנלענ''ד
|
|
|
|
|
| נשלח ב-27/12/2005 18:44 |
|
| |
פענסטער;
הא גופא קשיא! פארוואס טאקע האט מען נישט איינגעפירט אז פרויען זאלן אויך צינדן? אויף דעם איז גילטיג דער תירוץ פון חתם סופר. אין אנדערע ווערטער: תוס' איז נישט קיין תירוץ אויף דיין קשיא, דיין קשיא ווערט שווער נאך די ווערטער פון תוספות.
|
|
|
|
| נשלח ב-28/12/2005 01:29 |
|
| |
דער פשוט'ער טעם פון מוסיף והולך, איז ווייל חנוכה זעהמיר איז דא אן ענין פון פרסומי ניסא (פארוואס, ווייס איך נישט), און די עיקר גרויסקייט פון די נס המנורה איז געווען די רבוי הימים, אז אזויפיל טעג האט געברענט די מנורה, ממילא די בעסטע וועג ווי אזוי סיז ניכר די רבוי הימים איז אז יעדן טאג צינדט מען מיט איינס מער, וואס דורך דעם איז זייער בולט דער ענין אז יעדן טאג באזונדער איז געווען נאך א נס,
תוקן על ידי - קושקע - 28/12/2005 1:28:47
|
|
|
|
| נשלח ב-28/12/2005 04:17 |
|
| |
קרעמער;
איך האב געשריבן מיין פריערדיגע תגובה זייער בקיצור, האסטו אפשר נישט געכאפט וואס איך האב געשריבן, במילא וועל איך עס יעצט איבערשרייבן.
די גמ' זאגט אין מס' שבת ת"ר נר חנוכה נר איש וביתו זאגט רש"י איין לעכט פאר די גאנצע הויז געזונד. והמהדרין נר לכל אחד ואחד, אז יעדער איינער צונד אן עקסטרע לעכט. והמהדרין מן המהדרין איז א מחלוקה צווישן די בית שמאי אין די בית הלל, לויט די ב"ש פוחת והולך אין לויט די ב"ה איז מען מוסיף והולך.
זאגט דארטן תוספת ד"ה והמהדרין מן המהדרין, נראה לר"י אז די מהדרין מן המהדרין לא קיימי אנר לכל אחד ואחד ווייל אויב יא איז נישט ניכר אז דעס וואס ער צונדט דעם צווייטן טאג מער (לויט די ב"ה) איז כנגד ימים הנכנסים, נאר ס'קען זיין אז היינט האט ער געהאט מער מענטשן וואס האבן געצונדן ביי אים, נאר די מהדרין מן המהדרין גייט ארויף אויף נר איש וביתו, אז מ'צינדט נאר איין לעכט פאר די גאנצע שטוב, און יעצט ווען ער צונדט דעם צווייטן טאג מער איז שוין זייער גיט ניכר אז ער טוט עס כנגד ימים הנכנסים.
לויט דעם איז פשוט פארוואס פרויען צונדן נישט קיין חנוכה לעכט.
(איך וויל מיך אנטשולדיגן פארן נישט אראפברענגן די פולע טעקסט פון די גמרא, איך האב נישט דא קיין גמ' מיט מיר, און איך ווייס נישט ווי מ'טרעפט עס אויף די אינטערנעט)
 |
|
|
|
|
| נשלח ב-28/12/2005 06:34 |
|
| |
יעצט פארשטיי איך, יישר כח.
|
|
|
|
|
