בוש האלט א דרשה

ווען א קליינער טייל פון זיינע דמיונות און חלומות זאל ווערען מקוים, קומען זיסע צייטען אויף אונז מיט אונזערע קינדער.
אויב נאר א קליינער חלק פאנטאזיעס ארבייטען זיך אויס וועט אמעריקא ווערען פארוואנדעלט צו א לאנד וואס פליעסט מיט מילך און האניג ביז אייניגע יאר. און ווער דארף נאך עפארדעבעל חתונה פלענער?

איך וועל אייך אראפ מאהלען אין א נאטשעל זיין רעדע פון א קארגע שעה. פיהל מיט לופט, הויל פראפאגאנדע. א פארגעשריבענע רעדע געזאגט אן א ברעקעל כאריזמא.

מיט זיין זויערע שמייכעל האט ער געדרשנט פאר'ן סענאט און איבערגעקייעט אלטע לאוזונגען פאר זיינע צאן קדשים, אשטייגער דאס וויכטיקייט פון אומברענגען איבער צוויי טויזענט אמעריקאנער אין איראק (ועוד ידו נטוי')

כמנהג אבותיו ורבותיו, ווי עס איז דער שטייגער זינט בריאת אמעריקא טוען אזוי אלע פרעזידענטען ענדע דעם יאנואר. מ'נעמט צוזאם די סענאטארען און  מיניסטארען, קאבינאט געזעלשאפט, ריכטער אין שווארצע חאלאטען מיט אפאר אויסלענדישע געסט מיט טורבאנען אויף'ן קאפ, מיליטער אפיצירען מיט גאלדענע קנעפ. וואס קומען ביישטייערען צום סוקסעס פון היינט נאכטיגע פראפאגאנדע שיסעל.
מיר קוקט דאס אויס צו די יערליכע נייע הקפה ניגון ביי חסידישע הויפען, יעדעס יאר גיט מען א קליינער דריי און עס איז א נייער ניגון. די וועלט רופט דאס "די זעלבע כלה מיט א אנדער שלייער"
זינט איך האלט מיט די רעדעס האט נאך יעדער פרעזידענט צוגעזאגט די זעלבע גאלדענע גליקען.

דער טראדיציע באפעלט אויסרופען בקול רם "יעמוד דער פרעזידענט ירום הודו" און אלע שטעלען זיך אויף.
ער קומט אריין און באגלייטונג פון הויז פירער ווען קאמערעס לויפען נאך פון אלע זייטען.
רייכט די האנט מיט באקאנטע, שמייכעלט אומוועלעדיג צו זיינע פארעטער. ביז'ן אנקום צום פלאטפארמע.

אינטער אים זיצט דער וויצע פרעזידענט און דער פעשליכער ספיקער-אוו די האוז, דער פרעזידענט גיט זיי ביידע א קאפיע פון זייו דרשה אין א שווארצערבאנד
ווען דאס געקלאטשעריי שטילט זיך אפ, גיט דער ספיקער א קלאפ מיט'ן האמערעל, א צייכען אז ער גיט רשות הדיבור.

זיין רעדע און קורצען

ער פראקלאמירט!
ביים יאר 2025 דארפען מיר נישט סאדא-ראביע פאר אויל
(אלע קלאטשען מיט די הענט)
מיר וועלען דרייווען נאר אמעריקאנע קאר'ס
כמעט נישט קיין טעקס'עס
(געטרינקען א גלאז וואסער)
סאשעל סעקיורעטי איז פעלזען פעסט פאר מיר מיט בילל קלינטאן
(היללערי קייעט הויעך גאם און לאכט ווי א זיבעלע)
ביליג העלט אינשארענס, בלי נדר, בקרוב ממש
(סטענדיג אויוועשען)
נישט דא מער קיין עיטש-איי-ווי אדער עידס אין די וועלט
(טרינקט נאך א גלאז וואסער)
טעראריזעם שרינקט איין
(נישט דא ווער עס זאל לאכען)
רייסט ארינטער איראן, נארט קאריע, סיריע און זשאמבאמבע, און אלע אנדערע קרובים פון בין לאדען און זאקאראווי.
(קאנדאליזע רייס לאכט צו אים)
ער זאגט צו, פטור צו ווערען פון אלע וואס ווילען פארוואלטען איבער "נאקילער" וועפען
אלע קינדער און שולע גייען קענען גיט רעכנען און זיין קליג 
(קרומט מיט די נאז און מאכט פאקסען ווי איינער וואס גלייבט אליין נישט וואס ער זאגט)
פראגראמען פאר ארימע איז געצליך איבעריג, איז אויפ'ן וועג אראף
קריים, אבארשען, דראגס וכל צרוע איז אויפ'ן וועג אראפ
דער עקאנאמיע איז אויפ'ן וועג ארויף 
(זיין פרוי און די פאדערשטע רייע שמייכעלט איצט)
דער קארט סיסטעם איז א מחי', קען נישט זיין בעסער
(יעדער קוקט אויף ר' שמואל אליטא מיט'ן האלבען הוילען קאפ האר)
נוא ארליענס איז אט אט פארטיג איבערבויען
(אלע שווארצע סענעטארען פאטשען ווען דער שמייכעל רינט איבער פון צווישען די ווייסע ציין)
אויב רעדט ער פון עפעס וואס געוויסע האבען נישט ליעב, שרייען די ערוואקסענע "באאאא" (ווי אונז קינדער אין חדר פלעגען טאן צום באס דרייווער)
פאקטיש, איז דער עקאנאמיע געזונט ווי א בער מיט אריבער פיר און א האלב מיליאן נייע דזשאבס און די לעצטע צוויי א האלב יאר
אה שיעור נישט פארגעסען, עס איז גארנישט אזוי ראוזי אויף דער וועלט מיר האבען אלע פארלוירען היינט א פריינט. רעבעצין קינג.
(אלע שטעלען זיך אויף און פאטשען לעילו נשמת)

(נישט דא מער וואסער אין גלעזעל? )

ג-ד בלעסס אמעריקא

גייט אראפ געשווינד פון פאדיאם, רייכט די האנט מיט פריינד און פיינט צוגלייך, אויטאבאגראפיעט אלע ידידים, האלזט זיך מיט די עזרת נשים און ווערט פארשווינדען פון אינטער דער קיפערנער טיהר.

אבי מיין באבע זאגט שטענדיג אז דאס לעבען אין אמעריקא איז שווער. העט זי געזעהן זיין רעדע היינט נאכט וואלט זי געוואלט צוריק ווערען א בת כ און אויפשטיין צום קוויקעריי פון האן.

איידער איך פארגעס, ער וויל ווייטער אנהאלטען דאס אינטערהערען געשפרעכען
(ווילאנג ער קומט נישט ביי אונז אין מקוה, גייט מיר גאנץ קנאפע אן)