הרב קנאי;
קודם כל יישר כח פארן איבער'חזר'ן וואס איך האב שוין לאנג געשריבן, אז ווען מען שרייבט מיט א פענסיל (בליי) קליינע אותיות אויף א צוקנייטשע צעטל, וועלן דאס פיל מער מענטשן ליינען ווי די דבר יום ביומו צעטלעך.
בנוגע ונשמרתם מאד לנפשותיכם, די גמרא אין ברכות (ל"ב ע"ב) ברענגט אראפ אט דעם פסוק אויף שמירת הגוף, זעה דארט די מעשה ווי דער חסיד האט זיך נישט אפגעשטעלט אינמיטן שמונה עשרה באגריסן דעם שר, האט דער שר אים געפרעגטף עס שטייט דאך אין אייער תורה "רק השמר לך ושמור נפשך" און עס שטייט "ונשמרתם מאד לנפשותיכם"?!
איך האב געמאכט א קליינע זוכעניש און געפונען אין העמק דבר שרייבט ער בזה הלשון: ונשמרתם מאד לנפשותיכם, נכלל בזה הלשון אזהרה על שמירת הגוף והנפש, דמשום שמירת הנפש הי' ראוי לכתוב ושמרתם מאד את נפשותיכם, כמו לעיל ושמור נפשך, אלא ונשמרתם זה הגוף כדאי' בברכות דל"ב ב', לנפשותיכם לשמירת הנפש תשמרו גם הגוף עכ"ל.
אויך אין ספר סדר היום (סדר עלינו לשבח) שרייבט ער אז היטן דאס געזונט איז אין כלל פון ונשמרתם מאד לנפשותיכם, אויך אין מסילת ישרים (פרק ט') ברענגט ער אראפ דעם פסוק אלץ א ראיה אז מען ברויך זיך היטן פון צינים ופחים, זעה אויך אין קיצור שו"ע סי' ל"ב סעיף א'.
 |
|
|
