דער משלוח מנות מגיפה ברויך ערנסט אויסגעשמועסט ווערן דא צווישן די שענק פונעם שענק.
משלוח מנות איז געווידמעט צו פארמערן פריינטשאפט צווישן אידן, דערווייל קוקט אויס ווי מען פארשטארקט נאר די אלטע פארבינדונגען מיט די זיידע-באבע און שווער-שוויגער וועלכע וועלן פאר קיין געלט נישט אפהאקן פון דיר, און פון די שונאים וועמען מען וואלט געברויכט שיקן אזאנס און אזעלכס פארגעסט מען אינגאנצן.
אויך איז זייער נישט איינגעפירט צו שיקן זאכען וואס זענען גרייט צו עסן פאר די סעודת פורים, טשאקאלאדע איז אפשר גוט (און געזונט) אבער דאס באלאנגט נישט צום פורים טיש, די וואס פירן זיך לויטן שלחן ערוך זענען מקפיד צו שיקן א קוגל אדער אן אנדער געקעכטס וואס איז שוין גרייט אראפגעלייגט צו ווערן אויפן טיש און אויפגעגעסן צו ווערן.
|
|
