איצט בין איך געוואיר געווארן.

מאטעס;

יישר כח פאר די גוט-ווארט

איין שטיקל טעות האסטו געמאכט, המן איז נישט באגאסן געווארן דורך זיין ווייב זרש (גלייב מיר, ווען זרש וואלט געקענט וואלט זי אים אליין אנגעגאסן, אבער זי איז מסתמא געווען דאן אין די אנדערע טעג), נאר דורך זיין טאכטער'ל.

און פון וואנעט מיינט איר האט דאס טאכטער פארמאגט אזויפיל פון די סחורה?

אה, דאס איז א מפורש'ע תרגום, דער תרגום שרייבט (אסתר ה', א') אז המן האט געוואלט ווערן דער שווער פון אחשורוש, און האט אונטערגעשיקט זיין טאכטער צווישן אלע צוזאמגענומענע מיידלעך, און השי"ת האט געמאכט א נס אז זי פלעגט זיך יעדן טאג פארשמירן מיט די ריכטיגע מעשה (זעט אויס אז זי האט געהאט א שלשול), און פון איר מויל איז ארויסגענומען א ריח וואס איז נישט געווען אזוי ניחוח, דערפאר האט אחשורוש אויסגעוועלט אסתר אנשטאט המן'ס תכשיט'ל.

קען זיין - און אויב התאחדות וועט מיט מיר מסכים זיין - אז המן'ס טאכטער האט אוועקגעלייגט די סחורה אויף צו נוצן אקעגן אסתר ווען די צייט ווען זיין רייף, און יעצט ווען זי האט געזען מרדכי'ן שלעפן איר פאטער (אין איר דמיון) האט זי אויסגעגאסן די גאנצע פארזאמעלטע טינופת אויף איר פאטער, און ער האט געשלעפט נחת פון איר א מחי'.

אגב, האב איך געהערט (ליין: געקלערט) אז אחשורוש האט מסתמא פארמאגט JNET, ווייל אויב נישט וואלט ער זיך געקענט איינשפארן אסאך ארבעט, ער וואלט נישט געברויכט שטעלן קיין הגי אדער הגי (מיט א קמץ פתח צירי), ער וואלט נישט געברויכט שיקן קיין שלוחים אין קכ"ז לענדער אויפצוזוכן די ריכטיגע כלה, ער מאכט איין סורטש ביי די אומצאליגע שידוכים וועבזייטלעך און ........... אלא מאי, ער האט געהאט JNET, און עס איז ארויפגעקומען ACCESS DENIED, האט ער געמוזט גיין אויף דעם אלטמאדישן וועג פון צוזאמקלויבן מיידלעך קיין שושן...