אוי חסדי השם כי לא תמנו...

לאמיר צוטרעפן... מיט וועמען האט דער חשוב'ער דיין גערעדט אויפן טעלעפאן.... אמממ נו וויאזוי הייסט ער דער יעניגער מיט וועמען דער דיין גלייכט אזוי שטארק צו רעדן, אז ער רופט אים אן יעדן טאג אויפן וועג אהיים... נו אה פענסטער!!!

געענדיגט מיט די ווערטלעך, עס קוקט אויס ווי דא איז טאקע פארגעקומען א געוואלדיגע נס (פסח קוקי), לאמיר אפגעבן א שבח והודאה!!!

אבער קומענדיגע מאל - סאכדעס טייערער - פאלג אויס די שטאטישע רעגולאציעס! מען טאר נישט רעדן אויפן סעלפאון בשעת'ן דרייוון! (אויך בין איך דיר חושד אז דו ביסט אריינגעפאלן אין קרעטשמע אויפן וועג אהיים, און די אלקאהאל לעוועל אין די בלוט איז מסתמא ארויף עטוואס מער ווי ערלויבט...).

קרעמער ;

נס = פסח קוקי, שהכל .

געוואלדיג .......


אוי חסדי השם כי לא תמנו כי לא כלו רחמיו , אוי חסדיייי השם כי לא תמנו כי לא כלו רחמיו .

רעדענדיג מיט סאכדעס'ן אויפן טעלעפאון זאגט ער מיר אז ער דארף נאך קומען צו זיך, און דאן גייט מען מאכן די הכנות פאר'ן סעודת הודאה.

האלטס ענק געשפאנט!

רבותי האלט אייך געשפאנט, דעם קומענדיגן דינסטאג עט מען מאכן א גרויסע הושע בן בארי סעודה, וואו אלע עלן זיך משתתף זיין, סיהייסט אז מ'עט אויך האבן דעם כבוד אז דער געוועזענער ראש הקהל יענטאאש און דער געוועזענער גאבד זארעכפעפער וועלן ערשיינען מיט כבוד און עהרע אזוי ווי סיפאסט.

מצורף קובץ

בילד פונעם דייענס עקסידענט.....

סאכדעס, אויף וויפל אזייגער הייסט עס?

מודעה חשובה! היינט נאכמיטאג וועט פארקומען די ערשטע אסיפת עסקנים און בעפארברייטונג צום גרויסן מסיבת הודאה פונעם דייען שליטע. מען בעט ווער עס שפירט אז ער איז אן עסקן זאל אהיימגיין העלפן די ווייב פסח'דיג מאכן און איבערלאזן עסקנות פאר א צווייטן. ווער עס שפירט אז ער איז נישט קיין עסקן און ער איז נישט פעאיג צו ארבייטן פיזיש זאל בעביסיטן די קינדער און מאכן זיכער אז זיי מיטשען נישט די מאמע. ווער עס טויג צו גארנישט זאל זיך גיין צולייגן אדער לערנען אין ביהמ"ד און זיך נישט דרייען אונטער די פיס פון די אויסגעהארעוועטע פרוי. מיט דאנק, הנהלת הקהילה.

בשם די לעידיס אוקזילערי וויל איך טאקע אפגעבן א דאנק פאר אונזער הויכגעשעצטער (געוועזענער?) ראש הקהל מר. יענטאאש וואס ער לאזט זיך אראפ פון זיין גרויסן ראש הקהל בענקל און האט אינזין די קליינע פשוט'ע מינדערוויכטיגע עלעמענטן פון די קהילה, ובפרט די נשים צדקניות וואס אין זייער זכות זענען מיר דאך אויסגעלייזט געווארן פון מצרים.

קרעמער

דער קרעמער רעד ווי א באבע און גיבט אפ דאנקען בשם דעם און יענעם, און ס'פאלט אים גארנישט ביי אז יענטאאש האט געשריבן די תגובה בו בזמן וואס די יענטאאש'טע איז אים געשטאנען מיט א פאסיק איבער די פלייצע זיינע צווינגענדיג אים דאס צו שרייבן.... קען אפשר גאר זיין אז די קרעמער'טע איז אויך געשטאנען מיטן קאנטשיק איבער אים ווען ער האט געשריבן די דאנק ווערטער...... ווער ווייסט.....

יענטאאש;

די אמת איז אז חודש ניסן, די ערשטע האלב על כל פנים, שרייב איך רואיגער ווי א גאנץ יאהר, ווייל איך ווייס אז ווילאנג עס איז דא שטויב אונטער די בעטן וועט די קרעמער'טע נישט כאפן קיין בליק וואס איך טוה אין קרעטשמע.

רבותי מיר ווילען בענטשן, רבותי מיר וועלן בענטשן נברך נברך נברך שאכלנו משלו.

מארגן גרייט אייך צו א ליידיגן מאגן, מ'האמיר שוין באשטעלט פון לאנדאן די לאנדענע מאטיאש הערינג, און ווי אויך וועט זיי גאלע, די בעסטע פון די שטאט, פיינע היימישע קריספי בילקעלעך געקויפט אין די היימישסטע ? בעקעריי, שרה'קע די בעקערען וועט האבן צו לייזן ביז נאך פסח, סי וועט זיך נישט אנזעהן די דעפיציט פון דעם פסח, בקיצור וויינען פון אלע סארטן נישט פארגעסן די גאלדען וועדינג, וואס דער דאיען האט נאך אוועקגעלייגט ווען סיהאט נאך געהאט א הכשר, און ווי אויך הייניקן וועט זיך גיסן אויף אלע טישן ווי וואסער.